Nihin Ah Chinram Kanpalet Pengah SAC Uico Ralkap Le CDF-Kanpalet, Mindat, Yaw-PDF Hna Kar Kahdohnk A Chuak Than

Chin ramkulh, Kanpetlet ah rallam sial in a ra mi SAC Tatmah-55 kuttang ralkap hna cu March 18 ah khan Khihdaw khua ah an lut i Inn, Facang, Sii-ai, Computer, Saikel, Solar le Generator(Mei vannak Seh) pawl an khangh hna, tiah tualchung mi hna nih an chim.

Kanpetlet peng ah hin kan hnu February 7 thok in CDF-Kanpetlet le SAC ralkap karlak kahdohnak atu tiang a chuak i, CDF- Kanpetlet zong nih an Headquarter cu caan karlak an chuahtak chung.

“Kan khua (Khihdaw) hi Kanpetlet khuapi in meng 18 hrawng lawng ai hlat i, Kyauhtaung khua a cunglei ah a um mi si i SAC ralkap pawl cu khuachung ah an lut i Facang bag poh an pumh i an khangh, Inn ah an bunhmi Solar le Betterry, Generator, Saikel, Chainshow pawl zong an khangh dih,” tiah khua mi pakhat nih a chim.

Nihin zong ah Kanpalet pengchung ah SAC ralkap le CDF- Kanpetlet, CDF- Mindat, Yaw Peng Runvengtu (The Youth Force) karlak kahdohnak a chuak cuahmah, tiah theih a si.

Thawngdang: China-Islam ram hna cu Russia le Ukraine karlak tukdohnak ngolter ding in an i thlak awk a si, tiah Pakistan Prime Minister Imran Khan nih a chim.

Pakistan khualipi Islamabad khuapi ah tuah mi Islam ram pawl i funnak Organisation of Islamic Cooperation (OIC) i Foreign Minister pawl tonbiaruahnak ah Pakistan Prime Minister Imran Khan nih cun atu bantuk in Chin le Muslim ram hna cu Russia-Ukraine buainak ah remdaihnak lam kawl ding in nawlnak bia a chim.

Member ram 57 in milu 1.9 billions a simi OIC nih a rannak in raldohnak dihter ding ah kan i zuam awk a si, raltuknak ruang ah ral aa tu mi ram chawlehnak lawng siloin vawleicung ram vialte harsatnak a pek, tiah a chim.

OIC tonbiaruahnak ah cun China Foreign Minister nih khuallian in a telpi hna, tiah theih a si. China hi Russia nih Ukraine a tuk kong ah ṭanh ngei loin a um nain Ukraine mipi hartong ca tu ah cun $1.5 millions bawmhnak a pek cang.

Relchap; Naypyidaw, Zambo Thiri peng, Basic Education Students Union Chairman Ko Htun Aung Kyaw – kum 15 cu March 21 ah khan kum 7 thong thlak ding in biaceihpiak a si, tiah Burma Students Union nih a thanh.

“Ko Htun Aung Kyaw hi Basic Education a cawng lio mi a si, SAC Ralkap kuttang fimcawnnak ‘Education system’ a duh lo i Ralkap uk duhlonak a langhter ruangah SAC nih an tlaih i, kum 7 thongthlak ding in bia an khiahpiak,” tiah Bahkahtah (Burma Students Union in ṭuanvo ngei pakhat nih a chim.

Ko Htun Aung Kyaw cu tang 9 a cawng lio mi si i 2021 October 3 ah SAC nih an tlaih i thla 6 an hren hnu ah atu bantuk in kum 7 thongthlak ding in bia an ceih hi a si.

Relchap; Kachin ramkulh, Puta-O region ah a chuak mi kahdohnak ruang ah thlakhat leng chung a zaam mi tualchung mipi hna cu nizaan March 22 ah an umnak te ah an kir kho ṭhan cang, tiah tualchung mi hna sin in theih a si.

KIA nih hruai mi mipi vengtu ralkap le uknak latu SAC ralkap kahdohnak ruangah Puta-O peng Suanpian le Innsian(အင်စီယာန်) khua in tualchung mi hna cu ramlak ah thlakhat leng ralzaam dirhmun in an um hna.

An umnak te i an kir khawh ṭhan nakhnga Kachin hrambunh, Myitgyina Christian Council(MCC) hruainak in Kachin daihnak lei tuahtu phu PCG, le WUNPAWNG AMYUSHA MUNGBAWNG RAPDAW(WMR) hna nih SAC ralkap he i remdaihnak an tuah piak chung hna hnu ah an umnak hmun te ah an kir khawh ṭhannak hi a si, tiah theih a si.

Puta-O region ah February 1 in kahdohnak faak a chuah hnu ah tualchung mipi hna cu ramlak ah an zaam hna i, nizan March 22 ceo ah an kir kho ṭhan.

Ral Ruangah Kalaymyo Peng Kalapee Cingtu Hna Har An Tong: Sagaing ramṭhen, Kalaymyo peng ah khuasik caan i cin tawn mi Kalapee cu kumdang nakin a vui a tlawm, tiah Kalapee cingtu hna nih an chim.

Mizapi vengtu ralkap le SAC ralkap karlak Kahdohnak a chuah peng caah duh ning in rungrul thahnak sii kan toih khawh lo pinah non kan pe kho lo i atu bantuk in a chuah/vui a tlawm hi a si. Nikum ah cun Acre pakhat ah tin 20 hrawng a vui nain tukum tu ah cun Acre khat ah tin 10 lawng a vui, tiah kalapee cingtu hna nih an chim.

Nikum nak in tukum ah a man cu a kai deuh ko nain a chuak mi a tlawm tuk tikah Acre khat ciocio i a chuak mi tam kha a hlawk deuh, tukum cu a man kai nain a chuak mi a tlawm caah ai kaih lo, tiah kalapee cingtu pakhat nih a chim. Kalaymyo in a chuak mi Kalapee hi a tam deuh cu Kalay khuachung le Chinland chung hna ah an zuar deuh hna.

Kawlram Thawng: SAC Nih Uknak An Laak Hnu Ni 415 Chung Ah Thah A Thong Mi 1697 An Si Cang, AAPP nih March 22 tiang thawng a thanh ning ah Myanmar ram pumpi SAC nih uknak a laak hnu, ni 415 chung ah SAC ralkap kut in civil mi 1697 thah an tong cang. Tlaih a tong mi 12,875 an si cang i, Tlaih ding in nawl chuah mi 1973 an si.

SAC ralkap kut in a thi mi hna hi Yangon ah a tambik an si. A luancia ni tlawmpal ah khan minung 200 leng an thlah ṭhan cang hna. Cu kahdohnak ruang ah Mindat khuachung hmunkhuar mi SAC Khah-Lah-Yah -274 le Kyauhthuh SAC ralkap camp in ralkap bawmhtu an thlah caah a pawngkam khua mi hna cu a himnak hmun ah an zaam hna. Credit; The Chin Post