Press "Enter" to skip to content

Nihin CDF Le Mipi Kahdohnak Ah Ralhrang Tam Tuk An Thi

Breaking News: CDF- Mindat le SAC An I Kap, SAC Ralkap 15 An Thi. CDF- Mindat le SAC ralkap hna cu nihin, March 29 zing ah fak ngai i an i kap i SAC ralkap 15 an thi i hliam a tuarmi an tam tiah theih asi,Tuzing kahdohnak cu SAC ralkap mawtaw ruunrual bomb in kan puahhnawh hna i tu zong kahdohnak a fak ngai tiah CDF- Mindat nih thanh.

Nizaan (March 28) ah U Ko Gyi hruaimi North Tantaung Defense Force(NTDF) le SAC ralkap khah-mah-yiah 19 kar kahdohnak a chuak i SAC ralkap 6 an thi tiah NTDF nih thawng an thanh. Shua (ဆွာမြို့) khuapi No.19 batallion he Byoha(ဗျူဟာ) lam Kuaite(ဂွေးသဲ) le Layta(လယ်သာ) khua kar ah an i kah hi a si i SAC ralkap 6 an thi i 8 hliam an tuar tiah theih a si.

Cun March 26 ah Sagaing ramthen Myaung peng Myaung khuapi le Mayukung(မရိုးကုန်း) khua thlan ah hmunkhuar mi SAC ralkap hna cu bomb(mine) an puah hnawh hna i minung 3 cu a hmun ah an thi colh tiah tiah theih a si. Hi bomb puahhnawh nak hi T.G.R , 11 Brother Forces(Myaung), ZAMANI REVOLUTION Force Myaung (MMU), Sagaing PDF batallion(1), Burmese Guerilla Force(B.G.F), Bo Naytoe special Army (B.N.F) hna i bawm in a puah hnawh hna mi a si . The Chin Post

Sualnak ngei lo minung 10 mah nawl in thahnawnnak a tuahtu Yinmapin PDF hruaitu le a ralkap pawl cu NUG nih hlathlainak an tuah i, a herhning dantat ding in cathanh an chuah. Sagaing ramṭhen, Yinmapin peng PDF hruaitu Bo- Thanmani le a ralkap pawl nih Ko Hteik Aung ti mi telh in Labuh khua mi 6 le civil mi 4 hna cu ṭha te hlathlai ta loin an thah hna.

Cu kong cu NUG nih an hlathlai tik ah- (a) Labuh khua in Ko Hteik Aung tel in khua mi 6 hna cu hlathlai ta loin an thahnawn hna. Hi hna 6 hi ‘Hero Tiger PDF’ ralkap an rak si, tiah kan theih. (b) Labuh khua mi 6 pin ah Fire police 2 , Mawtaw khaltu pakhat le a ke ai khawng mi Fire police a rak zultu mino pakhat zong an thah.

c) Hi thahnawnnak hi Yinmapin PDF hruaitu Bo- Thanmani le a ralkap hna nih an tuah sermi a si. (d) Hi thil a cannak hi Tualchung hriamtlai Phu 2 karlak ah i theihthiam lonak ruang ah a chuak mi a si, tiah hlathlai le hngalh a si caah NUG cozah nih thahnawnnak a tuahtu Bo- Thanmani le a ralkap hna cu ralkap phung ning tein biaceih le dantat an si lai, tiah NUG nih a thanh.

Be First to Comment

Leave a Reply

Your email address will not be published.