Press "Enter" to skip to content

Nihin CDF_Mindat Le SAC Ralhrang Kahdohnak Ah SAC Ralkap 10 Hrawng An Thi

Mindat-Matupi lamcung kahdohnak ah SAC ralkap 10 hrawng an thi, bom puah hnawh ruangah SAC ralkap 30 an thi. 2022 May 10 – Chin ramkulh, Mindat-Matupi lamcung, mengtung 25 ah a phanmi SAC ralkap mawtaw thluan cu,

CDF-Mindat nih May 9 zinglei sml 11:00am ah an kah hna i ralkap 10 an thi, CDF-Mindat nih hmanhmi bom riikual chungah SAC ralkap 50 hrawng an rak luh lioah bom an puah hnawh hna i SAC ralkap tampi an thi tiah CDF-Mindat nih a thanh.

“Tuni mengtung 25 ah RPG le Auto meithal pawl in kan kah hna i ralkap 10 hrawng an thi. Cu lioah, bom kan hmanhmi riikual chungah SAC ralkap 20 hrawng an rak lut i bom kan puah hnawh hna caah ralkap an 20 ning tein an thi kho men tiah ralram ummi kan hawile nih an chim. Cun mengtung 24 ah, bom rikual chung an rak luh lioah bom kan puah hnawh than hna i a thimi an tam kho men” tiah CDF-Mindat in biachimnak nawl a ngeitu Salai Ha Om nih Yangon Khit Thit ah a chim.

CDF-Mindat nih hmun tampi ah bom kan hmanh i cu hmanhmi bom ri chungah SAC ralkap pawl kan lem hna i bom kan puah hnawh hna hi a si tiah Salai Ha Om nih a chim. “Bom tampi in kan hmanh, bom rikual chungah an rak luh hi a voihnih ning cun 50 hrawng an si lai. Bom zong fak tuk in a puah caah fiang tein kan hmu kho lo.

Cuzaah, a thimi an tam kho men ti lawng in thawng kan thanh. Keimah nih ka hmuhnak ahcun, 50 chungah 30 cu an thi kho men tiah ka ruahdamh” tiah Salai Ha Om nih a chim. May 7 le May 8 zong ah, mengtung 32 in 27 karlak ah CDF nih an kah hna i SAC ralkap 7 nak tlawm lo an thi tiah an rak thanh. Crd; The Chinland Post |

Be First to Comment

Leave a Reply

Your email address will not be published.