Press "Enter" to skip to content

Nihin Kahdohnak Ah Chin Pasaltha Nunnak A Liam Tthan Ee!

SAC Ralkap Sniper Kut In CDF- Thantlang Ralkap Salai Tum Kio Cung A Nunnak Liam. Tuni, April 12 zaanlei slm 6:30 hrawng ah CDF- Thantlang ralkap Salai Tum Kio Cung (kum 18) cu SAC ralkap Sniper kut in a nunnak liam tiah kan theih. Chunhnu slm 2:30 hrawng ah security a la liomi CDF- Thantlang, Zahnak Battalion ralkap Salai Biak Peng (kum 16) Sihhmuh khuami cu SAC ralkap nih Sniper in an kah i a khup ah an khen nain a nunnak tu cu a him i,

kuan zong nih a ruh a khen lo caah a kuan an chuah piak khawh cang. A nunnak liammi Salai Tum Kio Cung hi Tlangkhua khuami Thantlang ummi asi i ,Thantlang ah High School cachimtu Sayamah Ngun Thim i a fapa a si, Zaanlei slm 6:30 hrawng ah JMBC Biakinn hmai ah SAC ralkap sniper kut in a nunnak a liam hi asi. Tuni ah Thantlang khuachung ah kaphnih kahdohnak ngaingai cu achuak lo nain SAC ralkap nih a thli in Sniper in an kahmi hna si tiah kan theih. Credit; The Chin Post

US, Okalahoma ramkulh Tulsa khuapi ah Myanmar Community of Tulsa hruainak in NUG Monetary contract le pre- Revolution Thingyan fundraising cu April 9 ah an tuah, tiah theih a si. Cu puai ah cun NUG Monetary contract sing 574 kyats leng le Myanmar rawl phunphun an zuar mi in sing 320 kyat leng an hmuh khawh i, a dihlak ah sing 894 kyats an hmuh khawh, tiah theih a si.

“NUG Bond zuarnak le PDF ca fundraising kawlnak ah kanmah Oklahoma ramkulh, Tulsa khuapi ah ummi, Myanmar ram mi hna cu kan zate pumkhat kan si ko, ti kan langternak zong a si. Cucaah dohthlennak ah aa rak i tel mi nan dihlak cung ah lunglawmhnak tampi kan ngei,” tiah Tulsa Bond Representative Ko Maha Graysman nih Mizzima ah a chim.

Cu dohthlennak Thingyan puai ah cun Kawl titoih puai ah an tuah tawn mi mohlungyipaw(မုန့်လုံးရေပေါ်) an dangh hna pinah Thingyan laam in, laam an hmuhsak hna i Pan Se Lu(ပန်ဆယ်လို) le hlaksak thiam Lin Nit(လင်းနစ်)zong nih hla an sakpiak hna, tiah theih a si. TCP

Be First to Comment

Leave a Reply

Your email address will not be published.