January 22, 2023; Nihin sml. 4: 30 hrawngah Zuangtui 132 KV peng ah Bike le Gas phurtu Motor (truck) an pahsual i, bike a citmi Muanna Veng, Aizawl khuapi ah khuasa Lalrampara (27) le a nupi Lalmasawmhlui (23) hna cu a hmun bakah an nunnak a liam colh hi a si tiah kan theih. Lalmalsawmhlui hi thla 3 tluk naupawi lio a si i, an fanu kum 5 te cu an thih tak hi a si ee….!!!!
Muanna Veng branch YMA hruaitu hna hmangin ZALEN nih thawnglak in, Lalrampara te nupi hna nih an hmai kal Gas dur phurtu (Truck) Motor cu lonh an timh hna ruangah an tluk sual i, Truck hmaiah an tlu colh i, chawnbia manhlo in atu bantukin an nunnak a liam hi a si ee!!
Vanchiat ruangah atu bantukin Lalrampara le a nupi nupa a dawt taktak mi an si tiin thawng an laknak sin in theih a si i, an ruak hi thaizing ah Postmorterm an si lai i, anmah hna hi Presbyterian biakinn ah a si lai, thaizing chun hnu sml. 1:00 pm ah Pastor R. Lalhmangaihan nih an ruak a vui hna lai.
Truck monghtu hi Mizo a si i, mah bantukin vanchiatnak an ton hi cu a poi a ti tukin a lung atha hrim lo ee tiah an chim chap. Ref; Zalen News
Be First to Comment