Press "Enter" to skip to content

Nihin Thlarawn Pawng kahdohnak Ah Chin Mipi Hriamtlai Nih Ralhrang 10 Nak Tlawmlo An Thah Hna

Taal Le Thlanrawn Kar Kahdohnak Ah SAC Ralkap 10 An Thi, Nihin, May 6 zing slm 10-11 hrawng ah Falam peng Taal le Thlanrawn kar ah SAC ralkap le Chin ralkap an i kap tthan i SAC ralkap a tlawmbik 10 cu an thi lai tiah kan theih. Nizaan,May 5 Falam peng, Tlangzar kahdohnak ah Chin ralkap 10 an nunnak liam ( The Chin Post nih 7 kan fehter khawh) i SAC ralkap 18 an nunnak a liam ve.

Nihin, May 6 ah Chin ralkap (CNDF) nih kahdohnak a chuak kho a si caah Hakha le Falam kar hohmanh nih zulh lo ding in mizapi sin theihternak an tuah. Tuni, Kahdohnak ah Chin ralkap thi le hliamtuar um loin hnu an kir kho.

Karenni (Kaya) ramkulh, Hprosu peng in Bawlay peng Nanphe khua ah rallam a sialmi SAC ralkap mawṭaw cu, Karenni fonhkomh phu hna nih an kah i, SAC ralkap 3 nak tlawm lo an thi, mawṭaw 2 a kaang, tiah KNDF nih May 6 ah cathanh an chuah. May 6 zing sml 4:00 ah Nanphe khua lei hoih in rallam a sialmi SAC ralkap mawṭaw cu KA, KNDF nih bomb an puahhnawh hna i, Suimilam 6 chung hrawng an i kap, tiah theih a si.

Kahdohnak a daih in KNDF nih hmunhma venhimnak an tuah lioah SAC ralkap meithal kuan le an thilri zeimawhtzat an laak, tiah theih a si. Zing aml 7:00 hrawng ah Lawkyekhu(လောကျေခူ) khua No. 14 training tuahnak sianginn in Hthalay(ထားလဲ) khua ah eidin le zen-kuan va ngalh dingah a kalmi, SAC ralkap pawl cu Lawkyekhu khua kam ah Karen ralkap fonhkomh phu hna nih, an kah ṭhan hna i SAC ralkap 3 an thi. Hliamhma pumi zong an tam, tiah theih a si. KNDF lei in a thimi le hliamhma tuarmi kan um lo, tiah KNDF nih cathanh an chuah. The chin Post

Be First to Comment

Leave a Reply

Your email address will not be published.