Nihin Zing Kahdohnak Ah SAC Uico Ralkap 19 Leng An Thi
Demoso peng kahdohnak ah SAC ralkap 20 an thi, KNDF hriamtlai 3 an nunnak a liam. 2022 April 14 – Karenni ram, Demoso peng a hnulei ah a ummi Ohkurry khua ah KNDF phufonh hna le SAC ralkap karlak ah zinglei sml 7:00am thok in kahdohnak a chuak i nikhat chung deng kahdohnak a fak. Cu kahdohnak ahcun, SAC ralkap 20 leng an thi, KNDF phukomh in minung 3 an nunnak a liam tiah ralram a ummi pakhat nih April 13 ah Khit Thit ah a chim.
“Tuni cu zinglei sml 7;00am in zaanlei sml 4:00pm tiang kahdohnak a chuak. Tuni kahdohnak ah, an mah lei in 15-20 hrawng an thi lai. Kanmah KNDF le KA lei in kan hawile 3 an nunak a liam. Inn pakhat lawng nih dan in aa naih tein kan i kap. Ralkap pawl an tah thawng le au thawng kan theih khawh” tiah KNDF hriamtlai pakhat nih Khit Thit ah a chim.
SAC ralkap nih an thazang tampi in Demoso peng, Ohkurry khua, Naungpalay, Subawte khua le mawtaw lamcung ning piin kahdohnak a tuah hi ni 5 a rau cang i KA, KNDF le PDF phukomh hna nih an doh hna hi a si. Ohkurry khua, April 12 zongah kahdohnak fak a chuak i SAC ralkap 30 leng an thi tiah ralram ah a ummi mipi hriamtlai pakhat nih Khit Thit ah a chim. Credit: The Chinland Post
Myanmar ram tel in Somalia le Congo tbk. ram 11 ah minung hawi zawnruahnak (humanitarian assistance) bawmhnak kan pek lai tiah Filand ram ministry of Foreign Affairs. nih April 13 ah an thanh. Ei awk a har mi ram pawl bawmh ding in timtuahnak an ngeih mi ah Myanmar ram zong ai telh ve nak hi a si.
Euro £ nuai 26 leng bawmhnak pek ding fund cu Filand ram chung i organization hna leng ah UN organization pawl, International Committee of the Red Cross(ICRC), Myanmar Red Cross Society hna nih an phawt zamh lai i fund pawl cu a dot dot tein a kal lai tiah theih a si.
UN nih tukum ah Myanmar mipi nuai 6 leng bawmhnak pek nak ding caah $ nuai 800 leng a hau nain cu phaisa a herh mizat i 4% lawng bawmh nak a ngah rih tiah a chim. Cun Myanmar mipi hna zong nih bawmhnak phaisa pek cio ding in forhfial nak an tuah. TCP
