Press "Enter" to skip to content

Nihin Zingah Mipi Hriamtlai Le Ralhrang Kahdohnak Ah SAC Hliam Le Thi An Tam

Nihin March 9 zing ah Magwe ramṭhen le Chin ramkulh ramri Kachaung khualu ah SAC ralkap le CDF-Kanpetlet, The Youth Force (Yaw) ṭangṭi an i kap i, SAC ralkap 5 hrawng an thi i 9 hliam an tuar, tiah CDF-Kanpetlet nih cathanh chuah. Nihin March 9 zing sml 10:30 hrawng ah CDF-Kampalet le Yaw Tualchung mipi vengtu (The Youth Force) ṭangṭi in

SAC ralkap hna cu suimilam pakhat chung hrawng kan kah hna i, 5 hrawng an thih pin ah 9 hliam an tuar, SAC ralkap pawl hi an tlik zam pah buin hmunhma an laaknak ah The Youth Force nih an kamhmi bomb an i lamh hna i hliamtuar an tamnak hi a si, tiah CDF- Kanpetlet nih cathanh ah an langhter.

Tuzing kahdohnak ah CDF-Kanpetlet le The Youth Force (Yaw) ralkap hna cu thi le hliam um loin, him tein hnu an pil kho ṭhan. Magwe le Chin ramkulh ramri hrawng ah SAC ralkap nih rallam sial le Kanpetlet khuapi chung ah ralkap thazaang an chap tuk caah zeitik caan le khoika hmun poh ah kahdohnak a chuak kho a si i, mizapi hna nih CDF Kanpetlet i thawng a thanhmi zul cio ding in CDF- Kanpetlet nih an cathanh ah an langhter. Credit; The Chin Post

Magwe ramṭhen, Pauk pemgkulh, Inngedawngh khua ah kum 42 nu pakhat cu SAC ralkap nih an tlaihhrem hnu ah an thah i, a sin ummi kum 3 ngakchia pakhat zong an thah pinah PDF 5 zong an thah hna, tiah theih a si.

March 5 ah khan SAC ralkap pawl cu khuachung ah an rak lut i zaam ai tim mi nu pakhat le a fanu cu an tlaih hna i a nu cu an tlaihhrem hnu ah an nufa in nam in an ah thah hna, tiah tualchung mi hna nih an chim. SAC ralkap nihcun PDF ralkap 5 zong an tlaih hna i mei in an khangh hna pinah nu le hngakchia tel in khuami 29 an tlaih hna, tiah Irrawady nih a langhter.

Muse Ah SAC kuttang Ralkap Hna Kah An Tong: Shan ramkulh chaklei Muse khuapi ah nihin March 8, zanlei sang ah SAC kuttang pyithuh ralkap cheukhat kah an tong i minung 2 an thi; minung 2 hliam an tuar, tiah theih a si.

Muse khuapi chaklei veng, Taw Yaut( တော်ရွက်) ṭumnak lam ah a um mi mithi inn ah SAC kuttang pyitu ralkap hna cu an va phan i, ruak an vui lio; inn chung i minung 8 hrawng a ṭhut lio ah hriamtlaiphu pakhat nih an kah hna, tiah khua mi hna sin in theih a si. Kah a tongmi hna hi Muse SAC kuttang pyithu ralkap an si i, a kaptu hna i zei bantuk hriamtlai phu an si, theih an si rih lo. Credit; The Chin Post

Be First to Comment

Leave a Reply

Your email address will not be published.