Press "Enter" to skip to content

Nikhat Chung Kahdohnak Ah Mipi Hriamtlai Minung (9) Nih Ram Caah An Nun An Pek, Ralhrang 40 An Thi Ve

Myanmar Ram Pumpi Nikhat Chung Kahdohnak Ah SAC Ralkap 40 An Thi. Myanmar ram pumpi huap May 13 nikhat chung kahdohnak ah SAC ralkap 40 an thi i PDF 9 an nunnak a liam ve tiah Khit Thit Media nih a langhter.

Khit Thit Media nih cazin a khawmhsuat ning ah SAC ralkap a thi mi hna cu ,Kayin ramkulh, Demohso ah 2,Chin ramkulh Mindat ah 10, Sagaing rathen, Yinmarpin ah 7, Sagaing ramthen, Pale ah 5, Sagaing ramthen, Myaing ah 3, Bago ramthen, Nuhtalin ah 3, Magwe ramtthen, YeeSakyo ah 4, Yangon ramthen, Kama Yuat peng ,

Pyi Lam le Inn Hlia lam ah 2 , Sagaing ramthen, Monyua ah 2, Mandalah ramthen Tapih Kyin ah 2 tiin an dihlak 40 an thi i Sagaing ramthen ah ah PDF 9 an nunnak liam ve. Tanintharry ramthen, Palaw ah SAC ralkap 40 hrawng an thi kho men. Kan fehter kho rih lo mi a si caah kan rel chih lo tiah khit thit media nih a langhter. Credit; The Chin Post

Thawngdang Relchap>>><<<< Yesagyo khua luhnak, Pehtlaihnak zung le Cinthlaknak zung karlak ah mizapi tlerhkhawnh le harnak pek aa timmi SAC ralkap le palik pawl cu nihin May 14 ah Yesagyo PDF nih bomb lung 3 in kan puahhnawh hna, tiah Battalion Commander Hmaing Tey Za(မှိုင်းတေဇ) nih a chim. Nihin zing sml 7:00 hrawng ah bomb in kan puahhnawh hna hi a si. Pakhat khat rallam sial(mission) an i tim zong a si kho men, tiah a chimchap.

“Bomb kan phummi kam an phanh ah a voi hnih kan puahhnawh hna i A voikhatnak kan puah ah lung 2 a puak, a dihlak ah bomb lung 3 a puak. Voihnih kan puahhnawh hna ah SAC ralkap 8 cu an i teng, an tho kho ti lo,” tiah Battalion Commander pa nih cun a chim. SAC ralkap aa hliammi pawl cu mizaw phorhnak mawṭaw nih a rak don hna i an kalpi hna. “Mizapi hna, SAC ralkap he aa naihnak ah nan um hrimhrim lai lo, anmah he aa hlatnak ah nan um lai.

An pawng kam hrawng nan um ahcun kan kah tik hna ah a har ngaingai, tiah Hmaing Tey Za nih a chim. SAC ralkap kuttang rianṭuan mi pawl NUG le PDF sinah i fonh zok u. Mizapi lei nan ṭan lo ahcun dohthlennak a dongh tiang kan in doh hna lai, tiah Hmaing Tey Za nih ralrin a pek hna. TCP

Shan-Karenni hmunram chung Mobye(မိုးဗွဲ) khua ah umhmun khuarmi Khah Ma Ya(ခမရ ) 422 Battalion kam ah gate hngakmi SAC ralkap pawl cu, MB PDF nih kan kah hna caah SAC ralkap 3 nak tlawm lo an thi, tiah MB PDF nih cathanh an chuah.

Nihin May 14 zinglei ah Mobye-PDF nih a thli tein SAC ralkap pawl cu kan kah hna, Suimilam cheu chung hrawng kan i kap i Hmaitonh in kan i kap i SAC ralkap 3 nak tlawm lo an thi, tiah an langhter. Cu kahdohnak ah SAC ralkap lei in 3 an thi i, MB PDF in ralkap 2 hliamhma an pu.

Pakhat hi fak ngai in aa hliam caah MOBYE PDF Rescue Team- MPRT nih an zohkhenh lio a si. Hriamnam le kuan-zen kan chambau tuk caah bawmh kan herh ko, tiah an cathanh ah an langhter.

Relchap>><< Mon ramkulh, Ye peng Kabiakyi(ကဗျာကြီး) khuabawi Pyusawthi hruaitu Hta Way le Lah Wa Ka rianṭuantu pakhat cu Yebilu(ရေးဘီလူး) phu nih nizan May 13 zanlei 6:00 hrawngah an kah thah hna, tiah theih a si.

“Hta Way hi hlan piin khuabawi rianṭuan mi a si cang i Hramhram uknak an laak hnu zong in a ṭuan rih. Anih hi pyusawthi an hruaitu zong a si, Nizan May 13 zan sml 6:00 hrawng ah amah le a rianṭuanṭi hawi pakhat cu kan fimhlawm hna. SAC ralkap nih HK meithal an pekmi zong kan laak,” tiah Yebilu hruaitu pa nih a chim.

Pyusawthi hruaitu Hta Way cu kuttang mi tam ngai aa chiah hna. Khua chungah pheh aa kahmi pawl tangka ngunkhuai zong a hal hna, tiah theih a si. “Anih hi kuttang mi minung 8 a ngei mi a si. A kuttang mi 8 cu phe kahnak hmun humhimnak an laak piak hna lioah pyusawthi hruaitu Hta Way kan thah hi a si, tiah Yebilu hruaitu nih cun a chim.

May 12 Yangon ramṭhen, Depauk(ဒေးပေါက်) khuami Hein Thu Ra Aung kum-30 cu hngalh lomi phu nih meithal in voi 4 an kah i a rak thi, tiah theih a si. May 12 ah Mandalay ramṭhen Mittha(မြစ်သာ‌) khuabawi pa zong thah a rak tong.

Be First to Comment

Leave a Reply

Your email address will not be published.