Press "Enter" to skip to content

Nikhat Chung Lawng Bak Ah Mipi Hriamtlai Hna Nih SAC Ralkap Minung 83 An Thah Hna, Mipi Lei Thi An Um Ve

Kawlram pumpi, nikhat chung lawng ah SAC ralhrang minung 83 an thi. April 27 ah kawlram pumpi huap in SAC ralhrang le tlangcung mi kahdohnak ah SAC ralhrang minung 83 an thi i, mipi ralkap (PDF) lei minung pa 2 an nunnak a liam ve tiah mipi vengtu ralkap hna nih thawngthanhnak an tuahmi chungin kan theih khawh hi a si. Credit; Khit Thit Media

Open photo

Thawngdang Relchap; G7 Nih American Dollar 50 Billions Kan Bawmh Uh Tiah Ukraine Nih Ukraine President Volodymyr Zelenskyy Ruannak Pektu Oleh Ustenko nih Thawhthan Ni Zarhpi nih ah achim mi asi. Ral ruangah Ukraine ram ngunsawm pi cu an bau tuk hrinhran cang. Hmaile thla (6) caah Rampi phaisa an bau ruang mang cang tiah Zelenskyy ruahnak pektu pa nih anram TV bia a chim.

Ukraine Rampi phaisa thlakhat ah abau zat cu Euro 7 billions asi. Thla (6) caah EURO 42 billions abau lai. Dollar in tuak ahcun 50 billions USD asi. Ukraine nih aa timh rih mi cu International ah phaisa an cuai lai. Cu phaisa cun a karh 0% in Kupon timi bond anchuah piak hna lai. 2022 February 24 ah Russia nih Ukraine tuk hram aa thawk. Thla hnih cung raldoh asi cang caah rami phaisa a baunak hi asi.

Ukraine bawmhtu cu American, Europe ram hna le ram tampi ansi. Phaisa in siseh, hriamnam thilri in siseh, tampi an bawmh cang hna. NUG, CDF PDF hi hi bantukin kan bawmh khawh hna sehlaw, MAH kan TEINAK diam cang ve lai. Crd; Joseph R. Thang

Relchap; Ukraine Ral Hi Cantha Lakin American Nih Anthahmi ISIS Hruaitu Phu Kan Hlam Lai. Tleicia ISIS Hruaitu Abu Ibrahim Al – Qurashi phuhlam awk ah Vawleipi ṭihnung bik Muslim Ralhrag ISIS phu cu nawlpek an sicang. Ukraine ral cu cihrhchan ah hmang n Europe ram ah ralhrang rian ṭuan awk ah nawlpek cu ansi. Nunnak pekin mithah Lainawng nai tuah awk ah social media ah Video in bia an thlah cang.

Abikin Europe ah kan cawlhcang lai tiah ISIS hruaitu pakhat asi ve mi Abu – Omar al – Muhajir nih a chimh mi asi. Anmah cohlantu le ISIS minung hna sinah nawl a pek hna. Russin nih Ukraine atuk lio hi canṭhabik asi tiah ISIS nih an zumh. Athih mi ISIS hruaitu hi Syria ral lio, American nih an tuk lio ah, tlaih ṭih an amah le mah bomb aa puah hnawh mi pa asi tiah American Whitehouse lei nih an thanh ve.

March thla ni 10 ah an hruaitu pa hi athih asi tiah ISIS lei nih an fek ter cang. Hruaitu thar ah Abu Hasan al – Hashemi al – Qurashi cu an thim cang. Syria ah ISIS phu nih an lak cang mi ram cu American le Mahameih hna ruang ah kan sung ṭhan.Cucaah ISIS cu Iraq ah tampi an tli I cuka hmun ah cun an I dawr hna. Afghan Tiliban Cozah sin ah aadawr mi zong an tampi ve. Iraq hi target pakhatnak ah kan tuk lai. Iraq ah Syria ram ah kan dirh mi ISIS ramthar kan dirh lai. Vawleipi map zong kan suai ṭhan lai tiah planning an ngei. Crd; Joseph R. Thang

Be First to Comment

Leave a Reply

Your email address will not be published.