Nikhat Chung Lawngah SAC Ralhrang 90 Leng An Thi Cang

Myanmar ram pumpi dohthlennak tuah hnu 2022 March 6 tiang nikhat chung kahdohnak ah SAC ralkap 93 an thi, tiah Yangon Khat Thit nih cazin a laak ning in theih a si. Cazin ning ah SAC ralkap a thi mi hi Karenni ramkulh Demoso ah 77 an si i a nung in 2 tlaih an si. Magwe ramṭhen Myaing ah 2, Sagaing ramṭhen Pale peng ah 9, Tanhse ah 5, an dihlak 93 an si. PDF lei in Demoso ah minung 1 a nunnak a liam ve. Credit: The Chin Post

Ramdang Bawmhnak Bochan Hi Pakpalawng Asi Tiah Ukriane Nih An Kan Cawnpiak (ကိုယ်ဖြစ်ကိုယ်ခံ၊ ကိုယ့်စားရိပ်ကိုယ်ရှင်းရမှာပါပဲ). Ukraine State pathum cu Russia nih an lak cang. Ralzam 1.3 Million an si cang. Ukraine ram Rili kalnak lam le lutchuaknak hmunhma vialte Russia nih an lak I an phih dih cang. Hriamnam bawmhnak lam an phih dih Tinak asi. Ukraine lei ah kan tanh tiah a au thang ngai mi Nitlakram hna an hna an I chet ter I an I hrut ter cang.

Ukraine ral asi hlan ah WWIII asi khawh ati tu Nitlakram hruaitu hna hi biatak tein khua an tuak lo asi hnga maw? Putin hi an neh tuk deuh rua. Hramhram in le namneh bak in Russia nih Ukraine a tuahto hi an theih ko na buin an I phete khawh ngai ko. Ukraine Tamada Zalensky nih nan kan chanh ngam hrim hrim lo maw tiah mitthli he a nawl len hna nain, an hna chet dih, a chimh mi an theih lo. An phete dih.

Russia belte a Hawikom ṭhabik zong an zumh ti hna lo. Ral ah Hawikom a um khawh lo a ti cang. Tuluk Xi nih Nitlakram he I ṭhen bak a sian lo i Sipuazi tuah ṭi aduh peng ti kha Putin nih a theih dih cang. Arpi ṭahnak Sahngar nihnak vekin Tuluk le Russia cu an si cang. Russia an harsat lio can ah miaknak le hlawknak lawng akawl mi Tuluk depde asi tiah Putin nih a ruah cang.

Russia le Tuluk nih Raltuk ah Hawikom (Mahameih) kan si lai timi biakamnak cu thli lak ah a tlau cang. Anram le miphun ahnursuan lo achun, Zeiram le miphun hmanh nih Biatak tein Raldoh pi asilo I, Hriamnam zong bawmh asilo ti hi afiang tuk cang. An ram Sipuazi miaknak aum lo I, an ram caah sithatnak asilo paoh ahcun an kaa lawng in bawmh asi tihi asi ko.

Mahameih aa bochan tuk ruang ah Kawlram khur thukpi ah atla pi tu MAH caah I ralrin ngai a herh mi a um. Russia le Tuluk he Raltuk ah Mahameih sinak sen an thuh. Nitlakram nih Kawlram hi doh hnaseh law, Putin nih a bawmh tak tak lai maw tihi tuak aphu ngai mi asi. MAH a tleu cang. MAH mahameih dang asimi Tuluk nih tah MAH hi biatak tein Raldoh a bawmh lai maw ti zong mipi nih kan lung fian ding asi cang.

Russia le Ukraine ral ruangah US, NATO le Nitlakram, Democracy le Nuhrin covo a drihpi mi ram vialte cu an limhang a zawr cikcek cang. Ek ah an I chuak cang. Nitlakram hna nih an limhang cuiathlirh khawhnak lam cu Yemen le Kawlram lawng ah aum cang. Russia ruangh ah a tla mi an limhang cuaisan ṭhan an duh ahcun Kawlram ah MAH ral an kan doh pi ah cun adih ve. Nain hi zong hi sinak lam abi te. Hriamnam tal in an kan bawmh ahcun, Nitlakram hna Vawleipi nih upat than an si lai. Hi zong ka zumh ve lo. Ramdang hi Adepde lo te an rak um lo Tinak asi. A depde lo mi cu Kan mipi lawng hi an si cang ko.

Tuluk Tamada Xi nih Nitlakram hna an keneh le an tial hi a hngalh dih ti awk in thil aum. Anmah pumpak in MAH an thlak bal lailo I Ral atuk pi fawn lailo. Kawlram nitlak lei ah a duh mi thil aum caah sungh aduh lo. AA cu Hriamnam le phaisa he a bawmh bak ko caah MAH a lung a mit ve cang. AA hi fawrh lawlaw in bawmh law law in Kawlram in zalennak a zuam ter khawh ti hi hmuhchung cio asi. Paletwa zong Tuluk bawmhnak in AA nih an lak te khawh. Tamada Xi a tuak chung mi hi adik ngai mi aum. Genocide ruang ah Rakhine in Kawlram an namh sual lai I Ka Zinan khur a rawk sual lai ti aphang caah MAH nakin AA a bawmh dueh hi asi.

Genocide phisin nak caah PDF /CDF le Nitlakram hna an I Hawikom hlan ah AA he Hawikom nak thabik a serh I fek tein an dir ti. India Modi hi cu an ram ah Lut an kan sian lo caah asi bik ko.Tuluk tluk cun a thluak a tha lo hrim. Kala le vai hi an zertiam lawng hi asi ko. CNA / CDF hi Tuluk nih AA abawmh Bantukin kan bawmh sehlaw, India Sipuazi cu van atawngh ve ko hnga. CDF caah thilri kan phurh mi tu an kan tlaih leng mang. Hriamnam bawmh cu chim hlah uh. Kan ram a tha tikah, Assam rifle hi tuk an herh te lai. An lawr tuk cang, an leer tuk cang fawn.

Kan chim sawh ve le si ko. An ram Sipuazi le sithatnak asilo paoh ahcun Mi zeiram hmanh nih Raldoh pi asi lo, hriamnma bawmh asilo tihi Ukraine ral nih an kan Cawnpiak mi cu asi. Na tuahman le na ei man cu nangmah tein I liam law, na piahtana cu nangmah tein I phisin ko. Naa phisin khawh lo ahcun thih ko ti hi Nitlakram hna mumal le dundan, lungput asi. By_ Zingtincuai Cinzah