Press "Enter" to skip to content

Ningcang lo in phaisa a tawlreltu minung 3 hna cu Mindat peng mizapi uktu phu le CDF-Mindat phufonh nih faakpi in dantat an si cang lai

SAC ralkap kut tang rianṭuantu Middle School Headmaster U Ga Hung Ling, Mindat Education Office rianṭuan U Ling Gi Uam le Primary siangcachimtu Daw Thang Uam Man hna cu SAC ralkap hna he i fonh in, Mindat peng Education Department in CDM tuahtu hna cu Non-CDMer bantuk i min thutter in thlahlawh an hmuh khawh nakhnga kan in tawlrelpi hna lai, tiah an soilem hna.

Cupinah CDM tuahtu hna thlahlawh cu anmah nih an i hlam i, ningcang lo in an hman lengah pengkulh dang in Mindat pengchung ah Cozah rianṭuan siangcachimtu hna thlahlawh cu an hlampiak fawn hna i, a ruang um loin an zuhpiak hna, tiah Mindat peng mizapi uktu phu nih cathanh an chuah. Ningcang lo in phaisa a tawlreltu minung 3 hna cu Mindat peng mizapi uktu phu le CDF-Mindat phufonh nih faakpi in dantat an si lai, tiah cathanh an chuah. Credit: The Chin Post

Ukraine Khuapi Ngan Deuh Deuh Cu Russia Nih Vanlawng In Kah, Kyiv Khuapi Cu Russia Ralkap Nih An Naih Deuh Deuh! Russia nih Ukraine khuapi ngan deuhnak paoh cu March 12 zinglei caan ah vanlawng in an kah i, Ukraine khualipi Kyiv zong Russia ralkap nih an naih thluahmah cang tiah theih a si.

Kyiv, Kharkhiv telh in khuapi (5) ahcun vanlawng kahnak a zual ruangah ralrin peknak thawng lawng tein a khat tiah anmah ramchung thawngzamhnak ningin theih a si. Khualipi Kyiv zong March 11 zaan thawkin a puak thawng a thang cang i, March 12 zinglei caan tiang a si tiah CNN nih a langhter.

Ukraine cu Russia nih a luhhnawhnak ni (17) nak tiangah Russia ralkap hna cu Kyiv khuapi in km (15) hlatnak tiang an phan cang tikah minung umnak inn tiangin an kah tiin thawngzamhnak cheukhat nih an langhter.

Biatak tein kahdohnak tuahtu phu cu Kyiv khuapi in cheklei sang lampi cungah an um nain khuapi in nitlaklei vanlawng tuah leikap ahcun kuanfang a kham khomi motor pawl an i chawk tiin American Satellite Company Maxar nih hmanthlak he a langhter.

Atu kahdohnak caan cu phundang deuh in kalpi a si tikah thil sining aa hel ning hi that lei a panh i, teinak lampi kan phan dengmang tiah Ukraine President nih a chim ve. Kahdohnak ruangah Ukraine ram a chuahtaktu minung zat hi 2.5 millions leng an phan cang tiah UNO nih cathanh a chuah. Ref: Voice of Myanmar

India Ralkap Nih Rocket (1) Cu Pakistan Ram Leiah An Kah Sual! India ralkap nih Pakistan leikap ah rocket (1) cu March 11 ah an kah sual. Thil sining zohhliahnak an tuah nakah seh lei tlamtlinlo ruangah a puah sualmi a si tiah India leikap nih an chim.

Hi kong he pehtlai in kan lung a tha bak lo i, a puahnak hmun ah hliam tuarmi pakhat hmanh an um lo tiah India nih an chim. India le Pakistan ram hnih hi nuclear hriamnam a ngeimi ram an si. Pakistan ram nichuahlei khuapi pawngah rang taktakin van in a zuamgmi thil pakhat cu a tla i, a zuannak le kalning hi khualtlawngmi phortu vanlawng caah tih a nung taktak tiah Pakistan nih an chim.

Kum 2022 March 9 ah seh thilri zohhliahnak an tuah lioah technology lei chambaunak ruangah rocket pakhat kan kah sual tiah India ram runvennak zung nih cathanh an chuah. Hi kong he pehtlai in zohfelnak tuah dingin India biaceihnak sang taktak simi cu nawl an pek. Hi bantuk thil sining a um ti nakhnga lo India ram cu Pakistan nih raltinnak a pek. The Federal Times

Be First to Comment

Leave a Reply

Your email address will not be published.