Press "Enter" to skip to content

NLD Hruaitu Pakhat U Zaw Myat Linn An Thah Ning Hi Minung Fa Nih Celh Awk Ttha Lo

Kawlram ralkap cu February 1 in atu ni tiangah dai loin nikhat hnu nikhat an hrang chin lengmang tikah Kawlram caah cun ngeihchia ngai a si ko. Ralkap kuttang i van um tthan ding hi cu ruah tikah lung a faak i ruah ngam zong a si ti lo zei tluk in dah kan rak tuar le zei tluk in dah hrem kan rak ton i cu ti cun ram leng tiangin kan zaam nak cu a si, mah Ram lila hmanh ah kan him ti lo.

Cu tikah tutan zong mipi nih laamzawhnak tuah a si i CDM i chirchanh in au khuan a si tikah ralkap le palek hna nih heh tiah an si khawh tawk in daih ter an timh hna nain tlam an tlinh kho ve lo, cu caah atu ni tiangah minung 60 reng lo nih thih nak tiang an tong i, hliam hma a pu mi hi an tam lengluang cang.

NLD lei in hruaitu pakhat a si mi, U Zaw Myat Linn, Su Education Institution ah rian a ttuan mi a si i amah zong ralkap nih cun an thah ve, an thah ning hi midang bang thah he ai khat ruam lo a faak khun i thin han zong azual khun. Minung fa ciocio cu uico bang thah a tuar ti khawh a si.

An thah ning konglam hi an van hlathlai tikah ahmai hi ti sa le chemical hmang in ti sa ahcun an hnim ti a si i a ha vialte zong a cim dih pinah ahmai vun cu laak awk ttha loin achia dih ti a si, alei zong siseh man cikcek in an tuah i cu ti cun a nunnak cu a dih ve.

Hi thawngpang he pehpar in ralkap nih cun kan mah tuahser mi a si loh tin an langhter ve, tlaih kan timh i tlaih kan timh nak ah inn cung in a zuang i a thi mi a si tiah an chim nain zumh awk pakhat hmanh a tlak lo mi bia a si.

Bia donghnak ah ttang ttualmal rih ko hna usih tutan kan tei a si ahcun tei thai a si ko lai. Ralkap uk nak tang i um tthan ding cu a hohmanh nih duh mi a si lo cu caah kan ttan ahau rih ttang rih ko hna usih.

Be First to Comment

Leave a Reply

Your email address will not be published. Required fields are marked *