No Than Kap; 75th Chin Miphun Ni Ah Chin Miphun Hna Sawmnak Ca A Tialmi Cu A Tha Kho Taktak Si
75TH CHIN PHUNPI NI: Sawmnak 🙏 Leitlun hmunkip um Chin unau zate hnenah ka lo sawm duh mi thu tawite cu: Chin Phunpi Ni tuah canah, Santhar mino hnenih kan Chin thuanthu sim hi thil ṭhazet a si.
Asinan, pupa san ukawkdan “lal uknak” cu laktlak lo le siava tukih sim ringring hi cing nawn lo hram sehla. Ukawkdan zaten ṭhatnak le ṭhatlonak nei thluh an si. Kan pupa san ukawkdan khal cu thotho. Curuangah Lal uknak ih ṭhatlonak lawng si loin a ṭhatnak khal sim dingin ṭuanvo kan nei.
Cuitlunah thuanthu kan zoh tikah, pupa san ukawkdan “lal uk san” cu a sia maw a ṭha maw Chin dan le nunphung mankhung zet pakhat a sive ruangah, lal uknak a cem ni cu kan nunphung le dan pakhat kan hloh ni khal a si.
A hleicein santhar fala le tlangval pawl hnenah, pupa san lalpawl cu lal sual hlir ah ret tahratin, anmah huatnak le nautatnak thinlung nei dingin sim hram hlah uhsi.
Cutin kan sim a si le kanmah lala cu, pitling thinlung nei lo, hnam upa lungput khal nei ban lo, miphun pakhat ti tlak hman si lo ah kan retaw tinak a si thei. Phuba lak duhnak, iksiknak le huatnak feizum keng ringringtu si tum hram hlah uhsi.
Pupa pawlih ṭhatnak, dingnak le lungkimtawk thiam nun, an rinumnak le pakhat le pakhat an lainatawknak, ukawk dan an thiamzia pawl khi, kan sunlawih zet mi Chin Phunpi Ni kan hman can ah kan tefapawl hnenah sim sawn uhsi.
Vei 75 kimnak Chin Phunpi Ni hmangtu zate lungthin sungah, duhdawtnak, lungrualnak le phunhnam lainatnak thlarau in luah khat hram seh. credit#### No Than Kap
