Press "Enter" to skip to content

NUCC le NUG karlak pehtlaihnak a ṭhat chinchin khawhnak dingah rianṭuan ningcang hmuhsaknak zulhphung

National Unity Consultative Council (NUCC) nih hruainak in ni 3 chung tuahmi mizapi tonpumhnak (Public Conference) ah a biapi tukmi biachahnak 8 an tuah khawh tiah NUCC in ṭuanvo ngeitu nih Jan 30, tuni Press Conference ah a chim.

Biachahnak an tuahmi hna cu Federal Democracy Charter dal 1 le dal 2, caankarlak phunghrampi ser ding kong, NUCC phu 5 aiawh kho dingah chungtel 33 in an dirh ṭhannak, NUCC chungtel dihlak nih Federal Democracy Charter kha biakamnak tuah in a tak in ṭuanchuah dingah lungtlinnak le a dangdang hna an si.

Cu lawng si loin April 16, 2021 ah CRPH le NUCC nih an dirhmi NUG cozah cu mizapi tonpumhnak ah fehternak an tuah ṭhan i NUCC rianṭuannak ripawt (report) zong fehternak an tuah fawn.

NUCC hruainak a ṭhawnnak ding le rianhhma a kal khawhnak dingah NUCC le NUG karlak pehtlaihnak a ṭhat chinchin khawhnak dingah rianṭuan ningcang hmuhsaknak zulhphung (Terms of Reference and Role) remh le chapnak zong an tuah khawh tiah theih a si.

Ni 3 chung mizapi tonpumhnak ah CRPH chungtel hna, ramkhel party hruaitu hna, zatlangbu le nubu hruaitu hna, CMD palai hna, lamzawhnak hruaitu hna, tlangcung dohthlennak tuahbu hna, caankarlak ramkulh/federal unit/miphun aiawhtu hna, NUG hruaitu le ramkip in hlathlaitu (observers) hna tiin miphung 388 an kai kho tiah NUCC cathanh ah an langhter. Ref: PVTV, The Chin Post

Be First to Comment

Leave a Reply

Your email address will not be published.