Press "Enter" to skip to content

NUG Cozah Kong He Pehtlai In Dr. SaSa Nih Fiang Pop In A Van Langh Ter Cang Ko Hih

Myanmar ralhrang ralkap nih NUG cozah pawl cu ram dang mi an i bochan hna tiah ralkap nih an ti mi cung ah a tu bantuk in Dr SaSa nih a leh hna. Ralkap pawl nih NUG cozah nih ramdang mi pawl an i bochan an ti mi bia hi bia hman lo mi a si. Ramdang mi kan i bochan hna silo in ramdang mi he kan kal ning kha ai khah dih ruang tu ah khan a si tiah fiangte in Dr SaSa nih fianter nak a neih.

Vawlei cung ah ram thawng ram lian a si mi ramdang pawl hi kan i bochan hna ruang ah silo in, an mah ramdang pawl hi Democracy ram an si bantuk in kanmah NUG cozah zong hi Democracy a duh mi kan si ca tu ah hin kan lam ai khah ruangah hin a si. Kan i bochan hna ruang ah cun a si loh. Kanmah NUG cozah cu mah pumpak that nak caah rian a tuan mi kan si loh. Kan minung hawi kha minung bantuk tein pehtleih nak kan tuah hna.

Cuti cun tha tele dawh tein pehtleih nak kan tuah hna iDemocracy i a man a that nak kha kan kal pu caah khan ramdang mi he kan i lawh nak hi a si.ramdang mi zong hi Democracy kha an upat caah Democracy a upat mi hna kha kan mah zong nih kan upat ve hna caah lungrual tein hmunkhat te ah kan tanti nak hna hi a si. Anmah kan i bochan hna ruang ah zeihmanh a si loh.

Minung hawi cung ah dawtnak lungthin a nei mi ram le minung pakhat nih zalen nak a neih nak le miphun thleidan nak a neih lo mi ram pawl i hruai nak kha kan duh mi cu a si. Ram mipi pawl caah dik tele hman tein rian a tuan mi kha mipi pawl caah kan herh. Cucaah cu bantuk i a rak htuai tu ramdang pawl hi pehtleih nak kan neih nak hna hi a si. NUG cozah he pehtleih nak a tuah mi ramdang hruaitu pawl vialte hi thilhman a tanh i thil dik a duh mi an si.

Cucaah NUG cozah nih cun myanmar ram mipi vialte caah that nak caah khua a khang mi kan si caah ramdang mi pawl nih thilhman a tanh mi miphun an si bantuk in NUG cozah he pehtleih nak thaten kan ngeih khawh mi hi a si. Ramdang mi pawl hi an mah ram cu ram mipi pawl nih zalen nak an hmuh bantuk in kanmah myanmar ram mipi vialte zong ho zalen nak hmu hna seh tihi an kan duhpiak ve caah a tu bantuk in NUG cozah he biatak tein pehtleih nak an kan tuah hi a si.

Be First to Comment

Leave a Reply

Your email address will not be published. Required fields are marked *