NUG, CRPH le CDF kan Duh Lo Tiah An Langhter Cang

Hakha Khuapi Chung Ralhrang Cohlan Lamzawhnak Update! Nihin February 1, chunhnu suimilam 1:30 hrawng ah Hakha um ralhrang chungkhar le anmah naihniam minung 150 hrawng nih ralhrang cohlannak le dirhkamhnak langhter in lam an zawh.

Hi lamzawhnam ah hin “NUG, CRPH le CDF kan Duh Lo!” ti mi cataar keng in Rungtlang in Viewpoint tiang lam an zawh, tiah theih a si. Credit; The Chin post

Ayarwady ramṭhen, Maopin (မအူပင်) khuachung ah February 1, zinglei ah bomb puahkehnak voi 3 tiang a chuah leng ah kahdohnak zong a chuak i palik 2 an thi, tiah theih a si. Mipi nih dai tein ralhrang uk duhlo an langhter lio ah Maopin(မအူပင်)-Mezali(မယ်ဇလီ) lam ah aa chawk mi hna cu checkhlatnak tuah in, phaisa a haltu Malatto(မလက်တို) hmun palik sakhan in duh-tat-kyait Saw Gyi Lwin cu a ho si ti hngalh lo, meithal hriamtlai pakhat nih cycle he kalhnawh in a kah i cuka hmun ah cun a thi, tiah theih a si.

Malatto(မလက်တို) hmunhma palik sakhan pawng zong ah bomb lungkhat a puak L, tiah theih a si. “Amah(Palik pa) cu zu a ri zungzal, cun lam ah checkhlatnak tuah in phaisa a hal hna, amah lawng a um lio ah cycle he a hnu lei in an kah i kuan nih a takpum tlenglak in a hliamh i cuka hmun ah cun a thi colh.

Meithal in kah a ton hnu ah ralhrang phu hna cu an phan i, cu karlak ah cun sakhan ah bomb a puak ṭhan,” tiah Malatto (မလက်တို) khua he naihniam tein a ummi pakhat nih a chim. Maopin (မအူပင်) khuachung ah ralhrang phu hna lungtlin pinak tuah ding in Yelae(ရေလဲ) lam tonnak ah minung i funtom in an um lio ah khuachung luhnak check gate ah bomb lungkhat a puak i, palik pakhat a thi, tiah theih a si.

“Cu thil a can cu zinglei suimilam 11:00 hrawngah a si lai, khuachung minung an khomhsuat khawh hna lo caah khuate lei mi zong an auh hna, checkhlatnak gate ah palik cu kah an tong i palik pakhat a thi, minung 2 cu hliamhma an tuar ti in kan theih nain hliamhma tuar mi pahnih cu mi zei an si kan hngal rih hna lo,” tiah Maopin (မအူပင်)khua mi pakhat nih a chim. Cun, Maopin khuachung palik umnak hmunhma pakhat chung ah bomb puahkehnak a chuak, cu puahkehnak ruangah minung aa hliam mi an um lo, tiah theih a si. Mizzima