NUG Nih Mipi Hriamtlai Hna Caah Thawngtha Tuk An Thanh Cang Hih
PDF pawl ca ah hriamnam kan kawl khawh cang tiah NUG nih a chim, April 18, 2022. Mizapi ralkap PDF pawl ca ah seh-zung chuak hriamnam pawl kan kawl khawh cang tiah NUG Cozah Defense Minister U Yee Mon nih a chim. April 18 ah tuah mi NUG a voi khatnak Pyidaungsu Hluttaw caan linak meeting ah atu bantuk in a chim hi a si.
Cun, hriamnam cawknak ca ah Dolar 34 Million an hmuh cangnak kong zong a chim. Defense Minister zung lei nih hmannak nawl ngeih mi tangka zatuak 85 hi cu hriamnam ca ah hman a si cang tiah a chim. Minister U Yee Mon nih, “Hriamnam lei ahhin PDF hna ca ah buakthlak in kawlhawl a si cang.
Mah tein hriamnam ser le aa chuah mi hna zong IT lei thancho deuh nakding kawlhawlpiak an si. Thancho lei kan panh ko ti chim ka duh,” tiah a chim. Myanmar ram chung ah dohthlennak ralkap Battalion 257 a um i hi chung ah NUG Defense Minister nih theihpi tak mi hi 101 an si. A taang mi zong hi tawlrel cuahmah an si tiah a chimchap.
Credit; The Hakha Post
Relchap; Hmailei Ahcun Pyidawtha Khua Chungah Kahdohnak Chuahter Ti Lo Dingin Pyidawtha Khua Chung Pastor Fonhmi Phu Nih An Nawl! Kalay peng chung Pyidawtha khua chung pastor kip fonhmi phu nih hmailei ahcun khua chungah kahdohnak chuahter lo dingin an nawl tiah kan theih.
Pyidawtha Churches Ministers Fellowship phu ah Rev. Pastor (14) nih April (15) ah khan tonbiaruahnak an ngeih hnuah biachahnak an tuah i, April (16) ah cathanh an chuah hi a si. April (13) ah khan Pyidawtha khua chung le pawngkam ah SAC ralhrang ralkap le tualchung hriamtlaitu hna karkah ah kahdohnak a chuah ruangah,
khuami nu pakhat nunnak a liam pinah a vapa zong hliam a tuar tiah kan theih. Cu bantukin tonbiaruahnak le biachahnak an ngeihmi (9) chungin a biapi cemmi cu Pyidawtha khua chung lampi ah ahohmanh lamkham lo ding, hmailei ahcun Pyidawtha khua cu raldohnak hmunah tuah in kahdohnak tuah lo ding,
raldohnak he pehtlaiin hmunhma laaknak zongah hmanti lo dingin upatnak he kan in nawl hna tiah cathanh an chuah. Pyidawtha kahdohnak ah PDF (4) nunnak a liam pinah a dang (6) nih hliam an tuar tiah kan theih.
Crd: Zalen
