Press "Enter" to skip to content

NUG Nih Mipi Sinah Theihternak An Van Tuah Taktak Cang

Nikhat hnu nikhat kahdohnak a fah chinchin lioah NUG Cozah Defense Ministry ah Secretary a simi U Naing Htoo Aung nih “Khuapi lak kahdohnak a chuak kho men” tiah Myanmar Now he biaruahnak ah a chim.

Khuapi lak kahdohnak ahhin ralhrang nih mizap zawnruat loin an duh paoh in hriamhme le hriamngan an hman bantukin NUG nih cun kan tuah lai lo. Standard Army nih phunglam ning tein an tuah bantukin kan tuah ve lai tiah U Aung Htoo Aung nih cun a chim.

“Ṭha tein kan ruah i kan tuaktanmi cungah i hngat in kan cawlcang te lai. Mah kong hi mizapi nih nan theihthiam dingah kan duh. Mizapi chikhat an lung a thawh ahcun a za ko tiin lungder ṭhannak ding phun kha kan tuah lai lo. Fekfuan tein le pakhat hnu pakhat in kan kal lai” tiah U Naing Htoo Aung nih cun Myanmar Now ah a chim.

Khuapi lak kahdohnak ahhin rawlralnak a tlawm bik si ding, mizapi ralkap a thimi a tlawm bik si ding le zen-kuan heu tuk lo ding ti hna hi an tuaktan chih lai, tiah theih a si. Ref: Myanmar Now

CNF Hruaitu Hna Le CBCUSA Hruaitu Hna Tonnak An Ngei
==============
Jan 27-28, 2022 ah CNF hruaitu hna le CBCUSA hruaitu hna cu Indianapolis i CBCUSA office ah tonnak an ngei tiah theih a si. Cu tonnak ah cun CNF chairman Pu Zing Cung, CNF External Spokespermon Pu Daniel Sakhong le upa dang hna an i tel i CBCUSA lei in GS Rev. Dr. Thlaawr Bawihrin, Rev. Dr. Thawng Ling Mualhlun le upa dang hna an i tel ve.

Tutan tonnak ah CBCUSA hruaitu hna nih CNF hruaitu hna sinah “Atulio Chin miphun nih kan ton cuahmahmi ral le harnak vialte kan tei i kan lonh khawh nak dingah kan thazaang dihlak in kan in bawmh hna lai i kan in dirkamh hna lai” tiah bia an kamh hna tiah theih a si.

CNF External Spokesperson Pu Daniel Sakhong nih cun “Chin miphun vialte caah lawmhnak ngan taktak a si. Chin miphun nih teinak kan hmuh nak dingah a biapi taktakmi tonnak a si lai tiah ka zumh i hnangamnak ka ngei” tiah a Facebook cahmai ah a tial.

CBCUSA chungah hin Khrihfabu 100 renglo an um i Chin miphun tambik an umnak Indiana ramkulh, Indianapolis khuapi ah office an chiah. Pathian rian lawng si loin miphun damnak le thanchonak caah biatak tein rian a tuanmi le a cawlcangmi an si. Crd; The Chin Post

Be First to Comment

Leave a Reply

Your email address will not be published.