Pa ralțha Salai Shalom Siang Thang Lian Van Dam Ralhrang Nih An Kahthah Hna Nak Kong Ah Lih In An Chim
Kalay Thomginn Ah Thongtlami (7) Hna Cu Zaam An I Timh Caah Kan Kah That Tiah Ralhrang Nih Cathanh Chuah, Thongtlami Le Thong Zohkhenhtu Karlak Biaelnak A Chuah Ruangah Kah An Si Tiah Thawngpang A Chuak!
meithal in an kah thahmi hna cu: Van Dam, Myo Min Htun, Win Ko Naing, Maung Ngi, Chian Min Ko, Toe Khine, Myo Win Aung hna an si i, zaam an i timh caah kan kah thahnak a si tiah SAC ralhrang ralkap nih cathanh an chuah.
SAC ralhrang ralkap nih cathanh an chuahmi ahcun Van Dam hruaimi phu minung (50) tluk nih thonginn ngeitu/zohlhenhtu hna cu tlaih in zaam an i timh ruangah meithal in kan kah thahnak a si tiah an chim.
Yangon Khin Thit thawngzamhnak nih cun tlaih a tongtu hna cu ramkhel ruangah tlaihmi an si tikah thonginn ngeitu/zohkhenhtu hna he ihmuhthiamlonak a chuahnak in ralhrang ralkap nih meithal in an kah thahnak a si i, pehzulh in kah thah a tongtu an um hna caah a tlawmbik a thimi le hliam tuarmi (30) tluk an um kho i,
atu ah hin thonginn chungah ralhrang ralkap nih fak tukin an hrem hna i, meithal in kah that a tongtu hna le tlaih a tongtu hna hi PDF an si. SAC ralhrang ralkap nih hrokhrol in atu bantukin cathanh an chuah.
SAC ralhrang ralkap nih an postmi hmanthlak ahcun meithal in kah that a tongtu cheukhat cu an lu ah timhciam tein an kahmi a si.
Shalom Siang Thang Lian Van Dam siangtha mang ruak cu khualei ah tlung pi an timh tiah thawng zong theih asi,a nu le a pa caah a tuar har khun lai ticu a fiang,a ruang cu ralhrang nih zam an i tm tiin lih puh in an kahthah,a nih hi fapafangkhat a si ti ah thawng asi i a chung le caah tuar a har khun lai.
hi ti ralhrang nih an thah nak a ruang bik hih zei dang si lo,hruai tu pakhat a si ruangah a si ko lai tiah a hawi sin in thawng theih asi,ralhrang nih cun an lih in zam an i tim an hawi le nih sakhan boh in zam pi an timh caah kan kahthah hna tiah lih in an chim. a poi bak ko siang a um hrim lo pasal tha tuk kan in can hi cuh na miphun nih kan in siang hrim lo.R.I.P
