Palek Sakhan Le Ukbawi Zung Cu PDF Nih Luhhnawh In An Kah hna Caah Buesawtyi Le Mi Dang Tam Pi An Thi

Sagaing ramthen Yinmapin pengkomh Pale khuapi chungah Febuary 5 zaan sml 9:30 ah Pale khuapi chungum palek sakhan le ukbawi zung cu PDF fonhmi phu hna simi: Kyar Thit Net Phu, Daung Net Phu, MPL le Myaing phu, Chaklei sangah a ummi phu hna i fonh in luhhnawh in an kah.

Cubantukin an kahnak ah Buesawtyi le ralhrang sinah thawngpang petu dalan nak tam an thi tiah Pale People’s Defence Force -Headquaters sinin theih a si.
Pale khuapi chungum nih an chim ningin a thimi hna cu palek le ralhrang ralkap nih pawngkam ah ningcang loin an kahnak in an thi i, anmah ralkap dirhkamtu deuh an si. Ralkap nih pawngkam an kah nakin Pale khuapi chungum a kilken deuhnak zawnah a ummi minung umnak inn pakhat cu mei nih a kaang tiah theih a si.

thawngdang..Shewbo Peng Chungah Raltuk Ningcang A Cawntu Le Cawnpiaktu SAC Ralhrang Le Buesawtyi Hna Cu Drone Hmangin Bomb An Puah Hnawh Caah Ralhrang (2) An Thi!Shew Bo peng chung Min Chin khua chungah raltuk ningcang cawnnak a tuahtu SAC ralhrang ralkap le Buesawtyi hna cu Snake Eyes PDF, C&T Shewbo le ပ.က.ဖ phu hna nih Febuary 6 zinglei sml 11:15 ah drone hmangin kahdohnak an tuah caah SAC ralhrang ralkap pahnih an thi.