Press "Enter" to skip to content

Paletwa Peng Kahdohnak Ah Chin Pasaltha (CNA) Pakhat Nih Ram Le Miphun Caah A Nunnak A Pek

Paletwa peng kahdohnak ah SAC ralkap 8 an thi, CNA ralkap pakhat a nunnak a liam. 2022 March 14 – Paletwa peng, Lailaingpi khua htebwe sakhaan ah thazang chap dingin a rak kaimi ralhrang thazang 150 hrawng cu 2022 March 12 ah Skiha khua pawngah CDF-Paletwa nih bom an puah hnawh hna caah SAC ralkap 1 a thi, 5 leng an i hliam tiah Chinland Defense Force-Paletwa (CDF-Paletwa) nih March 14 ah a thanh.CDF-Paletwa,

CDF-Matupi le CNA phufonh hna nih March 13 zing sml 9:00-11:00am tiang voikhat, zaanlei sml 3:00-5:00pm tiang voikhat, a zapi te voihnih an kah hna caah SAC ralkap 7 nak tlawm lo an thi i 10 leng an i hliam. CDF-Paletwa in mipi hriamtlai pakhat aa hliam, CNA ralkap 1 nih ram caah a nunnak a pek tiah theih a si.

SAC ralkap pawl nih Htebwe sakhaan luhnak lam cu an phih dih. Hriamngan in kah thlorh an kah caah Twesawkone khua inn pakhat, cachimnak khaan pakhat le khrihfa biakinn pakhat a khen caah a rawk. Mipi hna khawndennak um lo tein himnak hmun ah an i ṭhial manh tiah CDF-Paletwa nih March 14 ah cathanh a chuak. The Chinland Post

Siangngakchia hruaitu hlun zong a rak si mi, mitampi nih ‘Tattoo tampa’ tiah theih mi Gabriel Boric, Kum-36 cu March 11 ah Chile President ding in biakamserhnak a tuah cang i Chile ram tuanbia ah kum no bik President zong a si.

Gabriel Boric nih President biakamserhnak a tuah lio ah biachimnak tawi a ngei i, “A luancia kum hna ah cun Chile ram cu lihninh( Earthquake), harnak phunkip, zawtnak phunkip le Human Rights buarnak nih fak tuk in a den. Atu thok cun Human Rights buarnak zeitik hmanh ah a um ti lai lo.

Kan rampi cu aho bochan loin amah tein a dir lai i chawhlehnak ah a ṭhangcho lai. Cu chawhlehnak a ṭhangcho mi cu ramchung mipi nih tinco cio a si lai. A hlan ah cun mitlawmte an ṭhangcho i mitampi harnak kan tong, nihin thok in a ra lai mi kum 4 chung ah kha bantuk a um lai lo, rampi ṭhanchonak cu mizapi nih an tinco lai,” tiah a chim.

Chile ram president thimnak hi a luancia November 2021 ah khan rak ngeih cang a si i, Social Convergence party in teinak a hmutu Gabriel Boric le Republican Party in Jose Antonio Kash an rak i cuh. Hi thimnak ah hin vote 58.87% in Boric nih Antonio Kash cu a rak tei. President thimthar Gabriel Boric nih hin President hlun Sebastian Pinera cu president rian in a chan lai. Credit: The Chin Post

Be First to Comment

Leave a Reply

Your email address will not be published.