Pasaltha Kan Sung Than
Kalay Peng Chung Kahdohnak Ah CDF-Hakha Pakhat Nunnak Liam! Kalay peng chung Gian Tha (ကြံသာ) khua ah umnak sakhan tuahtu SAC ralhrang ralkap le anmah kuttang ah a ummi Buesawtyi hna cu mipi vengtu ralkap nih Febuary (10) zinglei sml 6:00 ah luhhnawh in an kah tikah SAC ralhrang ralkap le anmah kuttang ah a ummi Buesawtyi (15) nak tam an thi i, CDF-Hakha pakhat nunnak a liam tiah PDF-Kalay nih Febuary (10) ah cathanh an chuah hi a si.
Febuary (10) kahdohnak ah PDF-Kalay, CDF-Hakha, CDF-KKG, RKDF le ပကဖ phu i fonh in sml 3:00 chung kaphnih kahdohnak a chuak i, mipi vengtu ralkap pakhat zong hliam a tuar.
Gangaw peng chung Myauh Kha Yan le Hantha Wady leikap in SAC ralhrang ralkap motor (3) bakin thazaang chap dingin an rak rat ruangah mipi vengtu ralkap leikap ah kan i zukphiak tiah cathanh an chuahmi ahcun an langhter. Credit; The Federal Times
Nihin February 11, zinglei suimilam 11 hrawng ah Sagaing ramṭhen, Yinmapin (ယင်းမာပင်) peng ah ralhrang phu hna cu mizapi vengtu ralkap nih bomb in an doh hna, tiah theih a si. Aungmoe khuachung um mi hna zong nih “Aungmoe(အောင်မိုး) khua pawng security no.28 ralhrang phu hna cu zinglei suimilam 9:00 hrawng ah bomb in doh an tong,” tiah an chim fawn.
Bomb puah in doh a tong mi ralhrang phu chung in minung 10 nak tlawm lo an thi i, hliamhma tuar mi zong an um, tiah theih a si. Ralhrang phu kahdoh an ton hnu ah ralhrang phu cheukhat nih an duhnak hmun poh meithal in an kah caah Aungmoe(အောင်မိုး) khuachung inn hna cu an kaang, tiah an chim. Khuachung mipi inn zeizat dah khanghpiak an ton cu fiang tein theih a si rih lo.
Khuachung um mipi hna nih ralhrang thilsernak cu an ṭih caah hmundang ah an zaam hna, tiah theih a si. Ralhrang phu hba bomb in doh an tonnak kong ah khuachung mizapi vengtu ralkap phu nih an tuahmi a si kong cathanh an chuah. the chin post
