Press "Enter" to skip to content

PawngMyone Ah Ralhrang Sakhaan Cu Mipi Hriamtlai Nih An Kah, SAC Ralhrang Minung 7 An Thi

PawngMyone Ah Ralhrang Sakhaan Cu Mipi Hriamtlai Nih An Kah, SAC Ralhrang Minung 7 An Thi. Magoe Ramtthen, Pawngmyone Swebuta khua ah SAC ralhrang umnak sakhaan cu mipi hriamtlai phu fonh hna nih an kahdoh hna i, SAC ralhrang minung 7 an thi, hliamhma tuar an tam tiah thawngtheih a si chap. Credit; Delta News Agency

Thawngdang Relchap; Mi Ung Lai Amah le Amah Degree Aapeknak A TUANBIA TAWI (A Huam mi le aaman mi lawng nih Relawk, Asaupah Minit 7 rel) Hramrham in Uknak alaktu MAH cu mipi 1700 leng a that caah valweipi nih an mawhchiat saling can lio theng te ah, Amah le amah kha Kawlram Cungnungbik le Liannganbik sinak Degree, Medal le minṭhatnak aapek. သတိုးသီရိသုဓမ္မနဲ့ သတိုးမဟာသရေစည်သူဆိုတဲ့ ဂုဏ်ထူးဆောင်ဘွဲ့တွေ timi Degree pahnih cu amah le mah aape mi cu asi. Kawlram Parliament Democracy chan Uktu PM U Nu (Rampi buainak ruangah Ralhrang Ni Vung sinah Anaa a ap caah),

Amah MAH Anaa ap tu VP U Myint Swe, NCA ah hruaitu Upa asi ve mi, KNU Luzik Saw Muṭu Sehpaw le Anna a lak mi Ralhrang Ralbawi vialte le a miṭhi Lalang vialte telin, Minṭhatnak le Degree apek dih ve hna. Kawlram hmunhma kip um minung 140 leng cu Minṭhatnak le Medal apek ve hna. 18 April 2022 ah Rallokap ngeih mi MWDTV in an thanh mi asi. Kawlram Zalonnak kan hmuh in kum 75 chung khelte, ram le miphun caah thiamhlei in biatak tein an ṭuanchuak mi an si caah ka pek mi hna asi tiah MAH nih ati.

Thinkahaa Degree (သင်္ဂဟဘွဲ့) Chung in 2nk asimi Degree (သတိုးသီရိသုဓမ္မဘွဲ့နဲ့ သတိုးမဟာ သရေစည်သူဘွဲ့) cu amah le U Myint Swe ni (2) cio in an co. Anaa chut baltu Rallokap ralbawi rual le an minung hna, EAOs Ralbawi le an minung hna, Tlangcung mi Hruaitu Upa tampi zong an pek ve hna. Wanna Kyawṭin Degree (Pu Kio Mang Medal) a pek mi hna cu NCA chungtel asimi: Mon Ramthar Party in Naing Suicin le Naing Thawhmun, RCSS Bochuci Yuasit, KNU Bochuci Saw Mutu Sehpaw hna ansi. Mipi le ram a ṭhat hlei I a dindaih khun nak hnga, an ṭuan mi theipar ruangah kan pek mi asi tiah MAH nih ati. Mipi Siṭhatnak le Duhdim nun a ngeih tertu ansi tiah upat nak he kan pek hna ati.

Karen ah raldohnak a fak bik lio can ah, KNU hruaitu pakhat kha hi bantuk degree le minṭhatnak le Medal pekcu pehtlaihnak a ngeih lo I Sullam angeih lo tiah KNU chimhnak nawl ngeitu le Ramdang pehtlaihnak ṭuanvo ngeihtu, Pado Saw Tony nih ati. Bukhat lungrualnak hrawk awk ah a hlan lio tein an I zuam mi Hlawhtlinnak caah an tuah mi asi. Karen le Tlangcungmi lungrual lo awk ah an thiamnak vialte le an hngalh mi LAM vialte an hmang dih tawn timi kha Tehte an khannak asi. Remdaihnak tiah khat lei nih an aukhuang, khat lei ve nih Raldohnak an karh ter chin, Culio thengmang ah KNU Bawibik pa cu medal le degree anpek. Sullam ngeihlomi bak asi.

PaO Miphun Zalonnak Bu (PNLO) Khuazing Bohmuci Khun Ukka zong Wanna Kyawṭin Degree le Medal an pek ve. Kaphnih zumhawktlak sinak sersiam in langhternak asi caah a ṭha tuk tiah a cuaisan bet hna. MAH thiltuah mi hi ahman mi le adik mi asi ati. Rampi ah asican Cuahmah mi Hruhru hranghrang lainawn nak, I remh loin tuksapur I thahnawnnak, Meiduah nak tbk vialte telin, buaibainak vialte remh awk ah le tlawmter (zawrter) dueh awk ah ka ti khawh chung kaa zuam lai tiah Khun Ukka nih ati.

Buaibainak, thatnawnnak le raldohnak vialte ngawl in cabuai cungah biaruahnak asi khawh hlan tiang kan I zuam lai ati rih. Cutin kan I zuam cukmak lio ah SAC he biaruah awk asi tikah Hi degree le medal (2) nih tampi bia a chimh te lai. Degree pek ticu biachimhnak nawl pek le na bia ka ngaih lai tinak asi caah thil ṭhatlo asi hrim hrim lo. Zumhtlak le ngamhtlak sinak sersiamnak asi. Degree le Medal nih Rampi damnak a chuah pi te lai.

Wanna Kyawṭin Degree pek ve mi U Khai Su Naing Aung, Rakhine Zalonnak Party (ALP) hruaitu nih, Remdaihnak (PEACE) caah I din loin an ṭuan mi hna an pek mi asi. EAOs le NCA ah aatel mi hna kha abik in an pek mi asi. Thawng cu an ka thanh rihlo. Buaibainak le Raldohnak a dai khawh nak hnga an pek mi asi caah mi pican le mi pipa lungput he remdaihnak lam lei ah kal awk ah, kan sawm hna ati. PEACE I hmaithlak lo ahcun rampi adam bal ti lailo ati.

Bochu Zawmintun, Rallokap biachimhtu nih pek kel le pek tawn mi Degree le Medal asiko. Buaibai awk aum lo mi asi. Ram le miphun caah a hlankan tein an ṭuannak le an I zuamnak, Tutan an tuahṭuan mi vialte cu zohchun in, mipi caah an I zuamnak vialte cungah hngatin kan pek mi Degree le Medal asi. PEACE rianṭuannak he aa pehtlaih mi deuh nih an hmuh ko nain, Punghman le pekkel in kan pekmi hna asi ko tiah Zaw Melung nih ati. Laksawng caah phaisa tawmpi aum Bantukin, thla fatin co awk covo aum. Tleicia kan pa hna cu an tefa nih zungzal an co te lai tiah Bochu Pa Nak Zaw Me Lung nih ati. EAO minung kan pek mi hna cu: Rallokap nih hruaimi PEACE Process ah aatel mi Upa lungfim hruaitu hna ansi ati rih.

MAH le Rallokap nih kapkhat lei ah ral in an namh hna Bantukin kapkhat lei ah PEACE timi remdaihnak in an soilem ve hna. Raldaihnak caah biaruah awk Hawikom an herh caah, Medal le Degree apek hna hi asi lai. Kanmah minung nansi cang. Arsa Eiṭi Unau le Kawidua kan si cang tiah langhter an duh caah Medal le Degree pek ansi hi asi (Keimah Hmuhning). Mipi le NLD nih kan cohlan khawh lomi tuahserhnak asi tiah U Kyaw Htway, NLD CEC nih ati ve. Rallokap hrim nih phung ning loin uknak alak, Hramhram in hruhru hranghrang in an kan uk, Hriamnam bochan in hramhram in uknak an kanchut, difello nak lawngte an tuah, an tuahserhnak le an tuah mi vialte Upadi he aa kalh dih, Upadi he aarup lomi tuahserhnak asi caah mipi nih kan cohlan khawh lo mi asi.

Phung ah alut fawn lo caah acan acut ahcun amah tein a rawk te ko lai. SAC le NUG an I zuamcawh lioah, anmah Rallokap lei ah aummi EAOs, Upa hruaitu, Ralbawi hlun, Mintha le Minthami (Actors & Actresses) vialte kha an pek mi hna asi. MAH nih ka minung nan si cang tiah an cal le an ban ah Cakhenh a ṭial I chinchiahnak a benh hna kan ti ko lai (U Than Soe Naing). Amah MAH Party an si ko tiah an ruah mi hna vialte kha Degree le Medal an pek hna. A tuanbia zoh tikah, amah MAH caah thilṭha atuahmi lawngte ansi. Cucaah athih ciami a kawi le vialte philh loin Medal an pek dih nak cu asi. Minung le Mikei tiah lori an ṭhen mi asi cang. Mah minung le midang kha I hliah cangseh an ti caah Medal le Degree an pekchan hi asi.

PM U Nu, President San Yu, Bochu Hmuci Saw Maung, Bochu Ni Vung, Bochu Hmuhci Thang Sui hna cu Kawlram Cozah Degree Sangbik (2) asimi lakah pakhat cio an pek hna. (သုဓမ္မသင်္ဂဟဘွဲ့ထဲက အမြင့်ဆုံး အဂ္ဂမဟာ သီရိသုဓမ္မဘွဲ့ &ပြည်ထောင်စုသင်္ဂဟဘွဲ့ထဲမှာ အမြင့်ဆုံး အဂ္ဂမဟာသရေစည်သူဘွဲ့ကို) 27 March Rallokap Ni ah Luhmuh Thiamhleinak Laksawng (3) nak level pekmi, Minthami Soemyat Thuzar cu Level 2nk an kai ter I an pek ṭhan. Level 2nk an pek cia mi Minthami Khine Thin Khi belte an laksawng an chut ṭhan. Minung le Mikei cu kan I hliah bak cang ko. Soe Myat Thuzar laksawng le Medal cu an pek thlakhat hmanh atlin deuh hlan ah level (2)nk an pek chap hi phungning le ningcang cu asilo. Kawlram ah cungnung bik mi le a Lianngan bik mi cu Anaa lak hi asi. Hmailei zong ah asi te lai tinak Tehte caah Anaa alak mi Luban hlun hna cu Kawlram Degree sangbik apek hna. Amah MAH nih aduh ning in Upadi aremh lai I, amah le a tefa, Rallokap tefa nih Kawlram cu Zungzal SPH Bantukin kan uk cang lai timi Strategic Planning timi Maha Biuha asi ti hi mipi nih hgalh awk asi.

MAH Anaa alak mi Apu le a U le cu Kawlram Degree ah asangbik asimi, a level aakhat mi pahnih ah Aalawh mi အဂ္ဂမဟာသရေစည်သူဘွဲ့ Ekkah Maha Thazi Sithu Degree kha a pek hna. Tamada Tin Sui zong nih amah le mah aa pe cang mi asi. Ahohmanh nih an I pek bal lomi Ekkah Maha Thiri Tukdama (အဂ္ဂမဟာ သီရိသုဓမ္မဘွဲ့) cu MAH nih amah lawng nih cotlak asi tiah mah le mah aa pe ve. Kawlram uktu vialte lakah cungnung bik le Liannganbik sinak tehte asi. Ni Vung, Thang Sui, Saw Maung te pawl lubo rual ansi. An ka tluk lo tiah alangh ter dohnak asi. Thang Sui Chan cu adih cang tinak asi tiah Rallokap Bawi pakhat nih ati.

Ka Sayapa Thang Sui nakin ka cungnung deuh. Anih tham cu lubo le Sahngar pei si ko cu ati duh nak asi. Degree (2) hi level khat Bantukin an chimh nain, SPH le Pathian Bantukin a cungnung deuh mi cu MAH Degree hi asi. Kawl ukpennak le Biaknak vialte tiang in an Khuazing Pathian KEIMAH MAH kasi tinak asi.
Thukdamar ti cu Biaknak le an Pathian caah hmangmi biafang asi. Min Aung Hlaing Degree Medal cu Suithiang tickle (9) in tuahmi asi. Liangbah zalpuan cu Suithiang tickle 31 in thuam mi asi. Medal hi 8.8 mm a sau I Lungvar 8 nih an kulh. Lungvar pakhat cio hi 5.8 mm asau mi asi. Pu Thang Sui laksawng le Degree Medal ah aatel mi cu Sui sawhsawh tickle 8 lawng asi. Liangbah Zalpuan zong aum lo I lungvar zong aatel fawnlo. Kawlram uktu hlun an pek mi Medal vialte zong aa lawh dih. Ram aiawh in tuah mi puai poah poah ah aa thuam cang lai. Athih puan caah Puan Lamkalh sisehlaw ati mi zong an um. Bible um Solomon SPH, Nebukkhannezzar, Izipt SPH Pharoah hna he an I lawh ngaingai ko.

MAH Degree le Medal an pek mi zoh tikah an philh tak mi hna tampi an um. Duh Bochu Hmuci Maung Aye aatel lo. Thang Sui chan ah a ropui tak ve mi Bochuci (6) bak an I tello. Tin Sui cu Tamada hlun asi I Thinkaha Degree ahmuh ciami asi caah tiah theihthiam khawh asi nain, VP hlun Thura Tin Aung Myint, Thura Sui Mang, Commission Chairman hlun U Tin Aye, U Tin Oo (NLD), U Khin Nyunt te pawl cu Kawlram uktu le luban cazin in an hnawn hna. Kaachuk (Lavy) hlun (4) cu Sithu (စည်သူဘွဲ့) Degree anpek hna nain, U Soe Thein, Thura Thet Tun, U Ngian Tun te pawl an I tel lo. Kachuk (Navy) hlun (5) cu Sithu Degree pek ansi. U Myat Han, U Khin Aung Myint le Thang Sui le Tin Sui chan Kachuk (Navy) zong Degree an pek ve hna lo. Khuaruahhar asimi pakhat cu Kachuk (Navy) hlun Bochu Lwin Oo Sithu Degree apek mi hi asi. 2015 ah Tuluk ram ah Vanlawng in bomb athlak sual caah an phuah I, Ambassador Tanhmu ah aa ṭhial mipa asi. Rallokap nih Russia Tanhmu ah an kuat mi asi. Russia he pehtlaihnak ṭha aser khawh tinak tehte asi an ti.

Amah MAH biangai mi EAOs lak in, NCA chungtel Tlangcung mi hruaitu (25) cu Wanna Kyawhtein Degree le Medal pek ansi. Kachin Special BGF hruaitu U Sakhung Tinzing, U Aung Khan Thi, Shan Special Region (6) BGF, Thang Sui Hawikom pa asi, U Maih Hmung (Palong), U Khe Bare Piang (Kaya), Bochuci Saw Mutu Sewhpaw KNU, Bochuci Yuasit RCSS, U Khun Ukka (PNLO), U Khai Su Naing Aung (ALP), Nai Sui Cin (Mon Party) tbk zong Wanna Kyawhtein Degree le Madel pek ansi. KNU Chairman Pa Degree an pek mi belte Karen le Tlangcung mi ṭhen cheuh duh ah asi tian hmuh cio asi. Degree le Medal ahmuhtu Tlangcung mi upa hna ah aa lawmhtuk mi zong an um. PEACE caah pek mi Degree hi Thiri Chanpiang le Zeyar Kyaw Htein Degree le Medal timi aum rih.

Cucu hmuhrih ning law atitu EAOs upa rual an um rih. A poi taktak khi asi ko. Duh Vuanci timi Deputy Minister hna an pek mi Wanna Kyaw Htein Degree lawng asi tikah, EAOs hruaitu hna an hmuh hna ning level hi nan tuak cio lai dah. Hmuhsuan, zawmtaih le thlanglamh asi ka ti ko. Raldohnak ah ṭuanvo ngeih tubik Duh Bochu Hmuhci Soe Win a phih mi hi ruah awk ngai aum. Tuak in ruat len awk zong aum. Aruang aum hrim hrim lai. Zalonnak Ni ah Thazi Sithu (သရေစည်သူဘွဲ့) Degree le Medal an pek mi kha I rinh dawh an si. Tamada Tin Sui nih ad din lai te ah a pek mi asi. Tin Sui nih MAH cu apek ve lo caah, Ana lak riangmang in amah le mah Degree le Medal aapek hi asi lai tiah ti cio asi. Hramhram in Uknak an kan chut nak Kumkhat le chue hmanh tlin hlan ah mah le Degree le Medal I pek hi ngakchia innte tiam he aa lawh ngai.Ṭahlak ah Nichuak kha kan si ko. Crd; Zingtincuai Cinzah

Be First to Comment

Leave a Reply

Your email address will not be published.