Press "Enter" to skip to content

PDF Le SAC Ralhrang Kahdohnak

Sagaing ramṭhen, Kalaymyo peng, Pyinthar khua sianginn ah umhmun khuar mi ralhrang pawl cu Kalay PDF Battalion 6 le 7 nih Febuary 4 zaan sml 7:30 hrawng ah an luh hnawh hna i, kaphnih kahdohnak a chuak, Lam naih tuk in an i kah caah kaphnih in a thi mi an tam, tiah Kalay PDF nih a thanh.

Febuary 4 zaan suimilam 7:30 ah Pyinthar sianginn ah umhmun khuar mi ralhrang hna cu Kalay PDF Battalion 6 le 7 nih kan luh hnawh hna i Pyusawtthi pawl he hmunkhat ah a thu mi ralhrang 4 hna cu kut cheh bomb in kan cheh hna i an dihlak in an thi.

Lam naih tein kaphnih kahdohnak a chuah caah hmunhma la manh loin Pyinthar khua mi PDF Battalion 6 i Tatsuhhmu a nunnak liam, Lamnaih tuk in kan i kah caah kan i cawhpawlh dih i PDF BO 6 in minung 3 le BO 7 in minung 3, an dihlak minung 7 PDF an nunnak liam, tiah rianngeitu pakhat nih a chim.

Pyinthar sianginn ummi ralhrang pawl hi PDF ralkap 50 hrawng nih an luhhnawh hna hi a si i, Ralhrang lei Bogyi pakhat cu PDF Tatkhuaihmu nih hmaitonh in teng ko in a kah. Ralhrang Bogyi a thimi pa hi Kalaymyo khua mi a si i Ngiangointhar veng ah a um mi si, tiah theih a si.

Cu kahdohnak ah cun ralhrang lei in Bogyi pa telh in 12 an thi i, an ruak cu Kalay lei ah an kalpi colh hna. PDF 7 ruak tu cu Pyinthar sianginn ah an chiah i khua mi dihlak rat lo a ngah lo, ti in an auh hna i an zohter hna, tiah theih a si. Crd; The Chin Post

Be First to Comment

Leave a Reply

Your email address will not be published.