PDF Nih Cun Minung Lawng Hmanh Si Loin Satil Arva Hmanh Ti/Rawl Pek in An Zohkhenh Hna

Shan ramkulh Karenni ramri kahdohnak ah SAC ralhrang ralkap cungah lehrulhnak tuahtu mipi vengtu hna nih ralzaam mipi nih an kaltakmi inn zuat satil hna cu rawl an pek, ti an pek i, an zohkhenh piak hna tiah Aay-Paing-Taing Special Force nih cathanh an chuah.

SAC ralhrang ralkap i kahdohnak ruangah Shan-Kaya ramri leiah kahdohnak a fak ngaingai i, ni (6) cu pehzulh in an i kap cang.Febuary 16 thawkin 21 tiangah Mube le pawngkam hmunhma chungah kahdohnak a chuak i, SAC ralhrang ralkap nih khua chung an hrawh, minung umnak inn mei an khangh pinah khua chungah hriamngan in an kah. Cupinah vanlawng tiangin hmangin kahdohnak a tuah.

SAC ralhrang ralkap i kahdohnak ruangah khua chung mipi a thongthong in himnak hmunah an zaam hna i, ralzaam mipi hna nih an zuatmi satil hna cu inn ah an kaltak hna i, motor lampi cungah thlah in an kaltak sawhsawhmi cu Alay-Paing-Taing-Special-Force nih hmanthlak he an postmi cu hmuh khawh an si.