PDF Pasaltha Hna Le SAC Ralkap Kahdohnak Ah PDF (2) An Nunnak A Liam E, SAC Ralkap (14) An Thi

Myingyan Peng Ral Bawmtu SAC Ralhrang Motor Kahdohnak Ah SAC Ralhrang 14 An Thi; PDF 2 An Nunnak Liam. Mandalay ramṭhen, Myingyan peng, Min-son-taung lei ah kahdohnak a chuak i,

cu kahdohnak hmun ah bawmh ding in a kalmi SAC ralhrang motor pawl bomb puahhnawh hnu in kahdohnak a chuah caah SAC ralhrang 14 an thi, PDF 2 an nunnak liam, tiah Natogyi PDF in ṭuanvo ngeitu pakhat nih a chim.

April ni 8, zinglei suimilam 2:00 tluk ah Yung-toe tlang lei ah rallam sialmi SAC ralhrang thazaang 30 tluk cu PDF ṭangṭi phufonh nih an kah hna caah suimilam 1:30 tluk kaphnih kar kahdohnak a chuak.

Cu kahdohnak hmun bawmh ding ah Myingyan khuapi in a rak rami SAC ralhrang pawl cu bomb puahhnawh an si hnu in minute 5 tluk kap 2 karlak kahdohnak a chuah caah SAC ralhrang 14 an thi i, Myingyan pengkomh Battalion-4 in minung 2 an nunnak a liam, tiah an langhter.

Hi kahdohnak ah aa telmi hriamtlai phu hna cu Natogyi People Defense Force, Myingyan pengkomh Battalion-4, 1, PDF-MDY le ṭangṭi phufonh hna kan si, tiah an langhter. Khit Thit Media, lungmali post