PDF Pasaltha Le SAC Ralkap Kahdohnak Ah SAC Ralkap Bawi Telhin (10) An Thi, An Meithal Zong An Lak Cahp
Pale Ah SAC Ralkap Le Tualchung Hriamtlai Phu Kar Kahdohnak Ah SAC Ralkap Ralbawi 2 Telh In 10 An Thi. Sagaing ramṭhen, Pale peng ah SAC ralkap hna cu voi tampi kahdoh an tong i cu kahdohnak chung ah cun ralbawi 2 telh in 10 an thi tiah Yoemayaza PDF in ṭuanvo ngeitu pakhat nih a chim.
Nihin, March ni 3 zinglei suimilam 9:00 hrawng ah Pale peng Mintaipin khua nitlaklei ah hmaisuang SAC ralkap hna cu tualchung hriamtlai phu hna nih naih tein an kahdoh hna caah SAC ralkap 5 an thi, an hnulei in kah an bawmh hna caah tualchung hriamtlai phu lei hnu an tolh ṭhan tiah Yoemayaza PDF in ṭuanvo ngeitu pakhat nih a chim.
April ni 2, chunhnu suimilam 1:00 hrawng ah Mintaipin khua in Hnawkan khua ah thirleng in a kalmi SAC ralbawi Buhmu Min Myat Thu le ralkap 1 cu kah an ton caah an pahnih in an thih pin ah MA 3 meithal 2 le phone lung hnih an chuh khawh hna tiah theih a si.
April ni 1, ah Pale khuachung General zuklem hmai ah ralvennak a tuahtu SAC ralkap 11 cu Daungnat Naysi Machia(ဒေါင်းနက် နယ်စည်းမခြား) pahkahphah nih bomb lung li puahhnawh in an doh hna caah ral bawi pakhat telh in ralkap 3 an thi tiah theih a si.
Kaphnih kar kahdohnak ah SAC ralkap hna cu Yoemayaza phu, ṭatkhuai 2 Ko Ngyo Kyi phu, Daungnat Naysi Machia(ဒေါင်းနက် နယ်စည်းမခြား) pahkahphah, Yinmabin pengkomh battalion 10, Yekhaung pahkahphah, Pale battalion 7, battalion 9, PLA phufonh nih an kahdoh hna tiah theih a si. The Chin Post
Sagaing ramṭhen, Shwebo sianghleirun luhnak gate ah umhmun a khuarmi SAC ralkap cu PDF nih an kahdoh hna caah SAC ralkap 6 an thi, tualchung hriamtlai PDF 2 an nunnak a liam tiah Burma Rangers phu in chimphuannak nawlngeitu nih a chim.
Shwebo sianghleirun luhnak gate ah umhmun a khuar i tualchung mipi lam aa chokmi hna sin ah hramhram in phaisa haltu SAC ralkap hna cu April ni 2, zanlei suimilam 3:00 hrawng ah tualchung hriamtlai phu nih an kahdoh hna caah kaphnih kar kahdohnak a chuak, cu kahdohnak ah cun SAC ralkap 6 an thi. Kahdohnak ngol a si hnu PDF hnu an tolh hnu ah SAC ralkap nih an kah ṭhan hna caah PDF chungtel 2 an nunnak a liam tiah theih a si.
Sianghleirun ah umhmun khuarmi SAC ralkap hna cu BurmaRangers (ShweBo), Shwetawta Local pahkahphah, ShweBo Dhuwun (PLA), X-Force LPDF ShweBo le People’s Revolution Front phufonh nih an kahdoh hna.
