PDF Ralkap Nih SAC Ralkap Sakhaan An Kah Caah Minung Ceilak An Thah Hna, Mipi Ralkap Pakhat Nunnak A Liam Ve Ee
Kyaukmyettaung Ralkap Sakhaan Cu PDF Phu Nih An Doh Hna I SAC Ralkap 10 An Thi I PDF Phu In 1 A Nunnak A Liam. Sagaing ramthen,Yinmarbin le Salingyi a tonnak ah a um mi SAC ralkap sakhaan a fa mi pakhat cu PDF phu nih an doh hna i SAC ralkap 10 an thi tiah KLG PDF phu i tuanvo ngeitu pakhat nih a chim.
February 19 zaanlei sml 5:30 hrawng ah Salingyi le Yinmarbin a tonnak Kyaukmyettaung ah a um mi SAC ralkap sakhaan a fa mi cu PDF phu nih luh hnawh in an doh hna.Kahdohnak hi sml 1 leng a rau i SAC ralkap lei in 10 an thi.PDF phu lei zong in 1 a nunnak a liam i cu sakhaan cu an lak khawh tiah theih a si.
Cu sakhaan a fa mi chung ah M-14 bomb lung 40,MG-1 plastic kutput bomb lung 30,MM-5 ရှေ့ထွက်မိုင်း lung 50 le drone a thla kho tu Anti Drone Gun pakhat cu an lak khawh tiah theih a si.
“Cu SAC ralkap sakhaan ah SAC ralkap thazaang 20 leng hrawng lawng an um i 10 an thi.A dang SAC ralkap kha cu an tli dih.Sakhaan chung ah bomb phun 100 leng le Anti Drone Gun pakhat lak khawh a si” tiah KLG PDF phu i tuanvo ngeitu nih a chim.
Cu kahdohnak cu KLG brigade, နဂါးညီနောင် (DBTF),Alpha Special Force,Triple Two Force,Chindwin ဂဋ္ဌုန်ရာဇာ,Yinmarbin Local PDF,B 21 PDF,Double K tatkhuai,ဗျတ္တညီနောင်,Yatanapone phu,Chindwin Tiger (Force),Chindwin Tiger(LPDF)၊ Htantapin (LPDF),ချိုမိုင်မိုင်, ဗိုလ်နှုတ်ခမ်းမွှေး le
a ralkap pawl, ဗိုလ်မုတ်ဆိတ် tatkhuai,Yinmarbin PDA,Next Generation Hope,မြောက်ယမား phu,Yinmarbin,Salingyi le Kani tantiphu pawl i fonh in an doh mi hna a si tiah theih a si.(Crd.Khit Thit Media) CBN Daily News
Thlacam sawm nak – Halkha Cawbuk Sangah SAC Ralhrang nih Bomb an kamh mi cu ( a min hi langhter awk a tha rih lo ) Minung pakhat nih a lamh sual caah a ke bul lak in a puah hnawh.
A puah bakin SAC ralhrang an lak colh ih an mah sakhanah saupi an rawlpi hnuah an chung le sinah an pek…an chung le sin a phak hnu hi cun a thisen a chuak tam tuk ruangah a takpum hi a rang dih cang.
Tuhi a nunnak catiangin thinphang asi.. Dawtmi, dawtu ule nau nu le pa hna Thlacam nakin rak kan bawm cio ulaw! Credit; All Chin
