Press "Enter" to skip to content

PDF Tapung nan si kan ti lai i kan in thah dih hna lai

Sagaing ramṭhen, Kalaymyo peng; Kalay-Gangaw lamkam Thanphoe khua nitlaklei ralzam camp ah ai dormi hna cu anmah inn cio ah tlung ding in le ni 4 a rauh i khua nan tlun lo ahcun PDF Tapung nan si kan ti lai i kan in thah dih hna lai, tiah SAC ralhrang nih an hro hna. Hi ralzaam camp hi SAC ralhrang nih hriamngan in voi tampi an kah cang i February 24 ah ralzaam buk an khangh.

Febuary 23 zaanlei zong ah Thanphoe khua inn 2 le facang rialnak seh pakhat an rak khangh bal. “Yanaung Gyi khua ah inn 12 le Thanphoe khua ah inn 2 le Sanseh pakhat SAC ralhrang nih an khangh i sanseh cu ralhrang pawl an kal hnu ah kan hmih khawh ṭhan. Cun, ralzam camp ah ummi Handa generator 2 le Saikel 18 an kan khanghpiak,” tiah Thanphoe Ralzam camp ṭuanvongeitu pakhat nih a chim.

2021 December thla ah SAC ralhrang nih Thanphoe khua inn khat an rak khangh hnu in khua mi hna nih Thanphoe khua in meng 4 hrawng a va hlatnak Laitlang( Chin Ttaung) hram ah buk an i sak. Riahcaw le eidin an i khon cia i Thanphoe Ralzaam camp ti in min an sak i an i dor hna. “Khuachung ah SAC ralhrang nih hriamngan an kah peng caah ahohmanh kan um ngam lo, Khuachung um mi thilri ṭha deuh poh an laak.

Cucaah ralzaam camp ah kan i dor, atu zong kan buk an kan duahpiak pin ah kan i khon mi riahcaw zong mawṭaw 2 in voi hnih an vun laak,” tiah Thanphoe ralzam camp ummi pakhat nih a chim. Atu ahcun Thanphoe khua mi tam deuh cu Kalaymyo lei ah an zaam hna i mitlawmte lawng camp ah an taang cang, Thanphoe khua le Yanaung gyi khua hi ai peh mi an si i inn 800 hrawng a um. Credit: The Chin Post

Russia President Putin Nih A Ralkap Kadyrov Unit Timi Cu Ukraine President Thah Ding In A Thlah Hna Nain Ukraine Ralkap Pawl Nih An Rak Thah Dih Diam Hna, tuni ah khan chechen ti mi Russia specialist ralkap bu Ukraine president van thah ding in thlah mi hna cu ukraine ralkap tu nih an rak thah dih hna tiah thawng thei asi.

Putin nih kadyrov unit ralkap bu cu ukraine president ing in nawl a pek hna an unit ah specialist ralkap pawl chechen timi pawl cu kyiv khuapi ahan van thal hna nain ukraine ralkap nih an rak thah dih hna. ukraine news nih an van thanh mi cu,Ukraine kan ih cu kan i ralring tuk,a hlei in rian ngan deuh pawl tuah dingah Putin a chia mi hna a ralkap unit kadyrov timi cu zei dah tuah an i timh ti kan thei tuk,a ruang cu an mah Russia Federal security aiawh tu ralthawh a duh ve lo sin inthawng pang kan thei dih an kan chim dih tiah the mirror news nih a chim.

Danilov ti mi nih kadyrov unit hi then hnih ah an i then i an cawngcangh ning le an um to ning hi thei an si,thenkhat group cu ukraine hostomel lei ah an ra cucu kyiv khuapi an rak lu kan president thah ding in nai kan mah tu nih kan rak thah dih hna tiah television ah a chim phuan.cun thenkhat group pakhat cu kan zoh sawh rih ko hna kankut chungah an um an cawcangh ning vialte kan thei dih tiah a chim chip.

kawram thawng pang rel chap…India-Kawlram Ramri, Ti U (တီအို) Tiva Tlang Cungah SAC Ralhrang Ralkap Nih Sakhan An Sak!India-Kawlram ramri, Falam peng chung Rih Khua Dar khuapi chung sang (2) nak tlang cungah Febuary 28 chun hrawng thawkin ralhrang ralkap 35 hrawng nih sakhan sakin an um tiah khuami nih an chim.

Febuary 27 ah khan helikopter in ralhrang ralkap 17 an rak chiah i, nizan chun thawkin Rih Khua Dar khuapi i thlanmual hlun pawngah SAC ralhrang ralkap 35 tluk nih sakhan an tuah. Inn ngeitu hna cu hmun dangah an thialter hna i, cuka ah an um. Cuka hmun cu a rem tuk. Mipi vengtu he hmunhma an i cuh bik a si ko tiah khuami pakhat nih a chim.

Atu bantukin SAC ralhrang ralkap hna cu khuapi hriang tlangcung ah hmunhma an laak tikah Kalaymyo leikap in a kalmi motor paoh cu Lai Tui khua ah an dinter hna i, thil sining an ngaithlai tiah theih a si. SAC ralhrang ralkap hna nih Rih Tilipi in Falam khuapi kalnak lei, anmah sakhan lawngah an um. Atu sakhan an tuahnak thar hi Rih Khua Dar in Falam khuapi lei kalnak lampi pawngah a si i, Rih Khua Dar in Tidim-Kalay leikap ah a tummi motor lampi zong hmuh khawh a si.Crd: Zalen

Be First to Comment

Leave a Reply

Your email address will not be published.