Ramchung ummi hna lungretheih, lungfah, thinhun le lungrawh lio caan i, US thawnpang tial hi ka duh lo ngai nain ka van tenh ta. A ruahzia thiam hram uh. Tuchun hi President hlun Donald Trump cu house nih impeachment an tuah hnu ah Senate nih a dihdonghnak tazacuai ni a si cang.
Nizan ah khan, telhte auh le auh lo ding kongah an ruahnak a kalh i, tazacuainak cikhat an ngol ta duak i, iceihhmainak an ngeih than hnu ah pehzulh ding in bia an chah caah atu hi House impeachment a tuahtu hna managers pawl nih closing arguments an tuah lio a si. Mah hnu ah Trump lawyers hna nih closing arguments an tuah ve lai. Cu hnu ah Senator pawl nih an ruahnak an chim lai i, President Donald Trump a sual le sual lo, vote thlak in bia an chah cang lai. Cucaah tuzan lei ahcun an biachahnak kan theih cang lai.
Republican Senator hruaitu Mitch MConnell nih cun Trump luatnak ding in vote kan thlak lai tiah fiang tein an chim cang. Atu tiang ahcun Republican minung 6 lawng nih democrats lei ah vote thlak an itim. Republican minung 17 nih democrats lei ah ttang in vote an thlak lawgah president Donald Trump cu sual dantatnak pek khawh ding a si.
Senate ah Senator minung 100 an um, Republican le Democrats 50-50 veve an um. Senator cheuthum cheu hnih senator 67 nih a sual tiah vote thlak a hau. Asinain atu tiangah minung 56 lawng nih a sual tiah kan vote lai an ti. Cucaah tuchun ah president hlun Donald Trump cu a sual lo, sualnak a ngei lo” tiah biachahnak an tuah lai tiah zumh a si.Salai Lairamthang
Be First to Comment