Pu Daniel Sakhong- Bochan awk tlak upa (13) nih an vun hruai cang hna lai caah hnailei kan miphun kan kal nak ah hnangam chin chin a si cang
CNF USA Regional Committee Chairman Pu Tial Hmung CNF Seattle, WA local committee( CC Seattle Local Committee) cu a thar in kan va form pi chap hna. Kan ni lung hmuih ngai. Kan khua ah bochan mi upa an rak tling i lungtho te in Local Committee hruaitu upa (13) thim an si. Chairman caah Pu Peng Za Lian, GS caah Pu Van Tha, Tressurer caah Pu Van Biak (Henry Pa) thim an si.
Bochan awk tlak upa (13) nih an vun hruai cang hna lai caah hnailei kan miphun kan kal nak ah hnangam chin chin a si cang. Zan kan ni tawnnak ah SCBC i an Pastor Rev. Ram hei Cun le Church dang pastor Rev. Kip Thian Pau, Church Chairman pawl le Biak lei hruaitu pawl an kan tel pi lawng si lo in thapeknak bia tampi an kan chimh mi kan hmuh tik ah a hlei in hna a ngam.
Kan ni tawnnak ah an inn tthatuk mi siang ngai in a kan hman ter mi Holly pa te cung ah kan ni lawm. Meeting a rak kai mi vialte Chin miphun nih kan uar bik mi Nengpi sa zanriah an kan dangh mi hrimhrim a ding kawi tuk. Hi Nengpi nganpi(Elk) a kap tu kan Chin Hunter pahriam Pu Kim cung zong ah kan kan ni lawm tuk. Kan ni tawng manh lo i kan sia a herh ngai.
Indianapolis lei kan rak kir pah in ka no deuh lio i ka Hero ah ka rak chiah ve mi Bruce Lee le a fa pa thlam Pu Van Tha lian a rak zoh pi. Hman kan thla. Seattle khua ah a um mi kan hawi le vialte kan miphun caah thilttha timhlamhnak nan kan ngeih pi mi vialte cung ah kan ni lawm.
kan Chin miphun kan pa kan u Pu Lian Uk he bia kan ni ruah tawn . A caan sau pi kan ni ruah tawn i kan cheih bik tawn mi cu kan Chin History a si. Nihin kan ni ceih mi cu kan Chin ralbawi pawl kong a si. A bik in Major Thawng Za Lian, ka u Moses pa, kong a si. Kan Chin miphun hi mi ralttha kan rak si i ralbawi ttha tampi kan ngei hna. Cu lak ah a hlei khun in ralttha mi an um. An kong zong kan ttial te lai.
Cu Raltha Upatbik mi Ralbawi top (6) tiah kan ruah mi hna cu:
1. Pu Khai Kam
2. Pu Lal Luai
3. Col. Hrang Thio
4. Col. Suan Kho pau
5. Lieutenant Thai Cawn
6. Major Thawng Za Lian (Moses Pa). By_ Daniel Sakhong
Relchap; Pyidaungsu Hluttaw Meeting a voi 3nak cu Febuary 5 ah Online in an tuah i thimnak ah a tlingmi Hluttaw Palai 64% an kai kho, tiah Committee Representing Pyidaungsu Hluttaw (CRPH) nih a thanh. 2020 thimnak ah teinak a cotu Pyidaungsu hluttaw palai 446 lak ah meeting palai 285 an i tel kho, February 5, Pyidaungsu meeting ah cun NUG Cozah pawl, ramkip Embassy in Ambassador Pawl, Ramkip Parliament Palai pawl, Parliament kongkau Thiamsang hna le Hluttaw bawmchantu phu pawl hna zong an i tel kho ve, tiah CRPH nih a thanh.
Pyidaungsu Hluttaw meeting ah cun hlan liopi in nihin ni tiang ah Democracy ca le Khuapau Dohthlennak ca ah nunnak a liam mi miralṭha hna upat peknak ah minute pakhat chung dai tein an um hnu ah Pyidaungsu Hluttaw Chairman nih Biahmaiṭhi a chim. NUG Cozah Acting President Duwa Lashi Ka nih biatawi a chim hnu ah Pyidaungsu Vuancichoh Man Win Khai Than nih biatawi a chim ve i Hluttaw rian konglam ceihhmainak an thawk. Atutan A voi 3nak Pyidaungsu Hluttaw meeting ah an ceih mi hna cu Pyidaungsu Hluttaw nih a thanh colh lai, tiah theih a si.
Credit: The Chin Post
