Press "Enter" to skip to content

PU Min Aung Hlaing Caah Thawngchia Si YDF (Saw-Kyaukhtu) Sinah Palek Pahnih An Lut Than

Maggui ramthen chungum palek pahnih nih Febuary (1) ah an rian chuahtak in CDM tuah hratin YDF (Saw-Kyaukhtu) sinah an lut.Mipi sinah aa fonhtu palek pahnih hna cu tha tein an rak donh hna pinah ti-rawl zong an pek hna i, kum 2022 Febuary (3) ah himnak hmunah an thlah cang hna tiah theih a si.
Hi hnu zongah hriamnam tling (Full Equipment) he YDF (Saw & Kyaukhtu) sinah a rak lutmi paoh cu laksawng zeimawzat pek an si lai pinah himnak hmun ah kalpi/thlah nan si lai tiah cathanh an chuah hi a si.

THAWNGDANG..Myinmu(မြင်းမူ) pengchung, Padathai(ပဒတ္ထိုင်း) khua ah ralhrang phu hna nih rallam an sial pah in khua mi cheukhat cu khuachung an rak kir lei ah an thah hna. An thah mi hna hi mino deuh si dawh an si i, miruak hna cu burbuk lak ah meikhangh chih in thah a tong mi; lamkam ah hliamtuarnak hma he a thi mi, kum-50 tluk nu 3 le kum 13 nu pakhat tlaihhremh a ton hnu ah thah a si lai, ti in zumhmi; an dihlak minung 20 ruak cu kan hmuh, tiah khuachung um mi nih an chim.

Meikhangh in thah a tong mi ruak hna zong an pum cik hnu ah meikhangh bantuk in an tak pum hmundang hna in an um. Ralhrang phu hna nih January 31 ah vanlei in an kah hna caah khua mi cheukhat cu hmundang ah an zaam i, cheukhat cu zaam manh lo in an um.Ralhrang phu hna an kir hnu February 3, khuachung an kir ṭhan ah lamkam, burbuk le phung-ki sianginn hmunhma hna ah thah a tong mi miruak le meikhangh in thah a tong mi ruak hna cu khua mi nih an hmuh, tiah theih a si.


Cu kong he pehtlai in ralhrang phu hna nih cathanh chuah mi a um rih lo. Thah a tongmi hna leng ah a tlau mi minung 20 hrawng an um rih, tiah khua mi nih an chim. Source: BBC

Be First to Comment

Leave a Reply

Your email address will not be published.