Press "Enter" to skip to content

Pu Trump Nih A Thinhun Lungin Martial Law Hman Dingah Biachahnak A Tuah Ti Mi Cu Dik Lo Mi A Si Rak Zum Hlah

Trump nih “Insurrection Acts” hmang in Martial Law declared a tuah lai i President a si tthan lai tiah bia dik lo a chuak i tampi nih an izumh. Texas in pastor pakhat, Wade McKinney nih hi hnu ni hnih or ni thum ah Martial law Declare kan theih lai. Keimah he pehtlaihnak a ngeimi sin in a rami a si tiah a Facebook ah a ttial. Cucu, Trump supporters lakah a von lar ngai. Cu khawh in, Friday ah CEO Michael Lindell nih Trump he itong dingin West Wing a luh lai ah aa tlaihmi Notes ah “Martial Law, if necessary” tiah aa tialmi cu, hmanthlatu nih an thlakmi i, cucu kengkip ah aa chawk. Mah a note hi Trump a pek tiah an tial chih fawn.

Insurrection Act cu, President nih a herh ahcun ram chung daihnak caah Ralkap a hman khawh tinak phung/acts a si. Asinain Martial Law he aa khat lo. Martial Law cu, Civil Cozah kha Ralkap nih lak chung a si. Asinain, “Insurrection Acts nih a pekmi cu, US sitting president nih a ram chung ah Cozah dohtu tapung an um sual ahcun daiternak/control caah, President nih US Ralkap cu US states kip ah a vahter khawh hna ti a si. Tutan US election buainak ahhin Trump nih Martial Law a declare lai lo, cun, Insurrection Acts hrim zong nih, Martial Law declare khawhnak Nawl a awnh lo, ti a si. Insurrection Acts hmang in Uknak a lak rih lai tbk zong hi a diklomi thawng a si. Cucaah, Trump cu President a si tthan lai tiah Halehluiah le Amen a pemi vialte kha, thil umtuning an ifiang deuh lo caah a si kho men tiah ka hmuh.

Be First to Comment

Leave a Reply

Your email address will not be published.