Press "Enter" to skip to content

Pu Zing Cung: CNA a thawn lawngah Chin miphun a thawng lai

CNA a thawn lawngah Chin miphun a thawng lai: Pu Zing Cung. 2022 March 19 – Chin National Army (CNA) ah SAC ralkap pawl a dohtu Chinland Defense Force (CDF) pawl an i fonh a si ahcun nawlpeknak pakhat tangah dothlennak rang deuh in rianṭuan khawh a si lai i dothlennak hma a kal lai tiah Chinland Club biaruahnak ah Chin National Front (CNF) Chairman Pu Zing Cung nih a chim.

Pu Zing Cung nih “CDF bawmhchannak in a tulio cawlcanghnak a kal khawh bantuk in CDF pawl CNA an luh a si ahcun nawlpeknak pakhat tangah rianrang in tawlrel khawh a si lai i dothlennak hmual a ngei lai. Kan i tinhmi kan phan kho colh lai. Kahdohnak zong ṭha tein tuah khawh a si lai. Mah hi cu hopoah nih theihmi a si” tiah a chim.

Pu Zing Cung nih CNA cu Chin miphun hna aiawhtu ralkap a si i Chin miphun vialte himnak pek ding rian an ngeih lengah Chinland ram vialte kan kut chungah a phak khawhnak hnga rian a ngei fawn tiah a chim. CNA cu miphun aiawhtu ralkap a si bantuk in kan ram hi Federal ramkomh pi ser khawh tikah a biapimi dirhmun ah an dir te lai.

“Federal ralkap kan ser tik zongah kawl miphun hna lawng nih ukmi ralkap a um rih a si ahcun a tu bantuk hramhram uknak lak pawl hna a um rih lai caah tlangcungmi hna caah raltuk cawnnak hi van ralkap, ti ralkap a ruan a hau. Cu bantuk ralkap dirh a si lai caah CNA zong a biapi tukmi dirhmun a phan te lai. Cucaah, CNA hi kan thazang ṭhawn a biapi tuk. CNA a ṭhawn ahcun, Chin miphun kan ṭhawng lai” tiah a chim.

A tulio caan cu Kawlram pumpi in hramhram uknak kan doh lio a si caah a tu bantuk caanṭha hi hmailei ah a um ti lai lo caah Chin miphun vialte nih dothlenbak a tha ṭhawn khawhnak hnga rianhlei ṭuan in bawmhchanh ding le CNA a ṭhawn khawhnak hnga zapi kut cungah aa hngat tiah March 7 ah tuahmi Chinland Club biaruahnak ah a chim. The Chinland Post

Kayin ramkulh, Myawaddy khuapi thlanglei meng 30 hrawng a hlatnak Htee Ka Pale ( ထီးကပလယ် )khua pawng ah, nihin March 19 ah SAC ralkap cu KNLA nih Sniper in an kah hna i SAC ralkap pakhat a thi. Myawaddy peng, Kawkareih peng, Tuang Kya Inn( တောင်ကြာအင်း), Thaton(သထုံ) le Papun(ဖာပွန်) hmunhma zong ah KNLA le SAC ralkap kahdohnak nifatin ti tluk in a chuak, tiah KNLA ralkap hna sin in theih a si.

Kayin ramkulh chung um khuate mipi hna cu SAC ralkap nih an tlaih hna i, an tukvelh hna, innzuat saṭil hna zong an fir dih hna, tiah khua mi hna sin in theih a si. March 18 zong ah Kawkareih khua thlanglei meng 2 a hlatnak hrawng ah kahdohnak a chuak i KNLA lei in minung pakhat a nunnak a liam, tiah theih a si.

Attara Hlei Palek Chekgate Bomb Puah Hnawh A Si i Palek Pakhat A Thi: Kyaikmaraw peng Attara hlei palek checkgate cu nihin March 19 zing Sml 6:30 ah bomh puah a si i SAC palek 1 a thi; midang 2 hliam an tuar, tiah tualchung mi nih an chim. Kadohnak a chuah dih hnu ah SAC ralkap nih Attara hlei cu an phih, tiah theih a si.

KNU Dupalayar pengkomh bridage 6 hmunhma ah umhmun a khuar mi SAC ralkap hna cu i thial ding in KNU bridage 6 nih South East Military Headquarter ah ca an kuat hna hnu in kaphnih kar i remlonak a zual chin, tiah an chim. Shwe Ku Khuapi Ah SAC Ralkap An I Cit Mi Tilawng Cu PDF Nih An Kah : Kachin ramkulh, Shwe Ku peng ah March 18 zinglei ah SAC ralkap hna nih an i cit mi Tilawng pakhat cu mizapi vengtu ralkap hna nih an kah hna, tiah khua mi hna sin in theih a si.

Shwe Ku khuapi in a rak chuak mi SAC ralkap tilawng hi Kyauk Gyi khua pawng mizapi vengtu ralkap PDF nih hriamngan in an kah hna, tiah an chim. Khua mi pakhat nih cun, “Zinglei Sml 4:00 hrawng ah SAC ralkap a rak kai mi hna cu PDF nih an rak bawh hna. Hriamngan le hruamhme he an kah hna i, an tilawng chung ah zong hriamngan kuan a tla.

Cu kahdohnak cu minute 10 hrawng a rau i, a thi mi le a hliam mi a zat cu fiang in kan thei kho rih lo. Shwe Ku khuapi ah a luan cia March 11 zong ah khan SAC ralbawi pakhat le ralkap dang 10 nak tam an i cit mi tilawng pakhat cu PDF nih an rak kah cang. Credit; The Chin Post

Headquarter cu chikhat chuahtak chung a si ko nain CDF Mindat telh in hawikom phu hna cungah lunglawmhnak kan ngei tiah CDF-Kanpetlet nih Brigadier General nih a chim. 2022 March 19 – CDF-Kanpetlet Headquarter cu chikhat chuahtak chung a si ko nain The Youth Force le PDF Saw hna cungah lunglawmhnak kan ngei tiah CDF-Kanpetlet Brigadier General nih a chim.

“CDF-Kanpetlet Headquarter cu chuahtak a si ko. Hi kahdohnak ah minung pakhat cio nih kan rian kan tlamtlinh dih, CDF-Mindat zong kan in bochan tuk hna bantuk in The Youth Force le PDF Saw zong hawikom kan sinak leng pi in nan rian nan tlamtlinh, mipi hna zong thatho tuk in nan rian nan tlamtlinh” tiah CDF-Kanpetlet Brigadier General nih a facebook ah a tar.
“Kan i ruahchan lomi harnak cu Mindat khua Kyaukhtoo Artillery nih chunitlak deng hriamngan in kah a bawmhmi hna hi a si.

Ruah lo piin khua chungah hriamngan tamtuk a tlak caah inn hna a kaang, upa le hngakchia a hren hna. Khuami hna zei kan tuah lai ti an theih lo caah firearms a hmang thiammi khuapa hna nih firearms tlaih in meithal aw thannak lei an rak phan dih, mei zong a kaang.

Hriamngan thawng cu a dai ti lo. Hriam hme thawng zong aa peh tuk i kahdohnak a fah tuk caah kan dirhmun a ṭha ti lo timi kha kan theih lioah CDF-Mindat Byu-Ha-Hmu (Northern Strategist) nih i.con in “firearms aa tlaihmi pawl hmai rak fong ti hlah uh” tiah a rak kan chimh.

Firearms aa tlaihmi upa deuh pawl caah thinphang ngai in a chim caah ka ruahmi cu Chin miphun hriamtlai phu pawl zeitik caan, zeitik hmun poah ram dawtnak thinlung kan ngei a si ahcun SAC kuttang in kan luat colh lai, ka upat tuk” tiah CDF-Kanpetlet Brigadier General nih a peh chap.

“Headquarter kan chuahtaknak cungah thawngzamh cheukhat i comments ah phun tamtuk in an kan ti. Asinain, Mindat, Kanpetlet, Kyaukhtoo hna hriamngan karlak ah zing sml 8:00am in zaanlei sml 3:00pm tiang hriam hme in din lo tein kan doh hna caah kan thi a ngan ko tiah kan langhter ngam. Kahdohnak ngan taktak kan i ton a si.

Donthlennak ah a cunglei hmunhma lawng tuak in a tanglei mipi hna nih bochan awk a tlak lomi phu nak cun kan tuahmi cungah ka lungsi”. CDF-Kanpetlet Brigadier General nih a facebook cahmai ah a tarmi a si. Ref: The Mindat Post, The Chinland Post

Be First to Comment

Leave a Reply

Your email address will not be published.