Press "Enter" to skip to content

R.I.P : CNF/A Pasaltha nih Nihin Raldohnak Ah A Nunnak A Pek

CNF/A pasaltha nih nihin October 20, 2021 ah raldohnak ah a nunnak a pek tiah kan theih. A nunnak a liam mi pasaltha hi a min ah Aung Lin Tin a si.

Aung Lin Tin a thihnak kong he pehtlai in CNF Headquarters nih ngaihchiat pi nak cathanh zong an chuah ve cang. “Chin miphun ralkap a simi Aung Lin Tin cu Chin ram, Chin vawlei le Chin miphun runvennak le chanchuahnak ding caah tiah biakamnak a tuah bantuk in nihin October 20, 2021 ah raldohnak hmun ah a nunnak a pek. Nunnak pek tiang in Miphun a dirkamhnak cung ah upatnak sangbik kan pek lawng si loin a kal tak mi chungkhar dihlak an ngaihchiat nak kan hrawm pi hna” tiah cathanh ah an langhter.

CNF/A pasaltha Aung Lin Tin hi nihin raldohnak hmun ah a nunnak a liam tiah an langhter nain khuazei hmun ahdah an i kahnak a si timi cu an langhter mi a um lo. Ram le miphun caah nunnak thisen pek tiang in a cawlcang mi, a nunnak a petu Pasaltha Aung Lin Tin kan upat tuk cio, a tantak mi chungkhar cingla rualchan dihlak Pathian nih hnem hram hna seh. Laikokekjournal

Be First to Comment

Leave a Reply

Your email address will not be published. Required fields are marked *