Ngaithiam hal ko bu in kut rak thlak thotho hi cu minung phunglam zong a si loh. saram lungthin a nei mi pawl zia le za a si. Magway peng, Pakokku khua i a um mi chungkhar nu cem pakhat nih ngeihthiam a hal hna nain, Kawl ralkap pawl nih cun a kah thotho i a nunnak a liam. Kum 39 mi Daw Mar La Win cu pasal nei lio mi a si i, fa pa 3 an nei, zan ah hin sandah piah nak an nei tawn.
An umnak Pakokku’s No. 9 veng chungah Kawl ralkap pawl an duhlonak cu an langter tawn i, ralkap pawl nih an va kah tawn hna i an hmuh mi minung poh an tleih thluahmah hna. March 19 zanah khan sandahpiah nak cu an va nei than. asinain veng dang No.1 veng chung ah an va nei.
Cuti cun No.1 veng ah sandahpiah nak an va neih mi cu ralkap pawl nih an theih than i, zan nazi 10 hrawngah an va kah thluahmah hna. Sandahpiah nak a neitu pawl cu, an mah humhim nak kawl in an zam i, Daw Mar La Win cu a zam khawh ti lo ruangah, ralkap pawl nih cun an tleih manh.
Daw Mar La Win nih cun a tih tuk hna i, a mithli he a khup ai bil i zei ti hmanh in ka ruah hlah uh law e, tiin ngeihthiam a hal chih len hna nain, an kah thotho. A ruak cu tuizing March 20 ah rak la uh an ti. Hi an buai zan ah hin chunchung minung 6-8 hrawng an tleih hna i an thawngpang zong zeihmanh theih an si rih loh ti a si.
Be First to Comment