Apoi hringhran ko tu lio kan boruak cu thinphang peng a si ko, zeitik ah ah kawl ralkap lu bo pawl nih mi nung cu zat an thah tthan hliam hma an pu tthan ti mi thawng theih lai tthan hi phan a um i, Online thut lai le kau lai zong hi ngamh a um hrim ti lo e. Nizaan ah thil a cang tthan mi…Yangon Ramthen Tharkayta (Taketah) ah Palek le Ralkap meithal hma in pakhat a thi. #RFA
Relchap >>>> Kawl Ralkap Sin Thawngpetu USDP Lutlai Kalay Myo Le Myo Hlah Khuapi Ah An Tam Chin Leng Mang
Myo Hlah khuapi ah a um mi USDP lutlai Pu Lai Thang Pui nih Kalay Myo khuapi CDM hruaitu le Myo Hlah khuapi CDM hruaitu hna cu Palek le ralkap sin ah a report hna tiah theih a si.Pu Lai Thang Pui hi Myo Hlah khuapi chungah chungkhar he khuasa mi a si i,USDP lei in lutlai pakhat a si.Myo Hlah khuapi ah cun March 17.2021ni khan ralkap tam tuk an luh caah mipi thinphang in an um.Kalay Myo khuapi ah hmun kip in ralkap le palek nih mipi an kham hna ning le an thah nawn ning hna zoh tik ah Pu Lai Thang Pui thil tuah mi a si tiah mi tampi nih comment an pek.
Pu Lai Thang Pui nih hi tibantuk thil a tuah mi kongah USDP hruaitu upa tampi an lung a tling lo.Pu Lai Thang Pui nih a report mi hna chungin minung 4 an thi.Tlaihkhih a tong mi hna chungin minung pa sarih 7 hna cu thong thlak an si pin ah kum tling lo Nu Ngakchia pakhat ai tel.cun, ralkap nih a kee ah an kah i an tan piak mi pakhat aitel.hi thil a cang mi hna hi a mah thil tuah mi a si lai tiah rah damh a si.Myo Hlah khuapi CDM mino hna caah thinphang a si.mipi nih Pu Lai Thang Pui thil tuahmi kongah an theih cang na in an tlai hraw rih lo.a mah hi ralkap le Palek sin ah i cawh meh in a cawlcangh ruangah zei hmanh mipi nih action an la kho rih lo tiah theih a si.Credit:Omi Giga
Be First to Comment