Press "Enter" to skip to content

R..I.P : University a kai liomi Pasaltha Ralkap nih an kan thah piak than

Nihin Sandah piahnak ah atu ca kan tial tiang ah hin minung 4 an nunak a liam cang. Ralkap le Police nih Meithal kuanfang taktak in mipi an kah hna ruang ah mino, a thangcho cuahmah mi pasaltha le nusaltha hna an nunnak a liam hi asi.

Pyi Myo Sandah piahnak ah mibu hna cu Ralkap le Police nih Meithal kuan in an kah hna ruang ah kum 19 lawng a si rih mi, University a kai liomi pasaltha Htet Myat Aung a nunnak a liam ve. Htet Myat Aung hi a paw ah Kuangfang nih a khen, athi sen tamtuk a chuah caah a nunnak a liam colh. A ruak cu a chungkhar sin ah an phak pi cang.

A nunnak a liam mi Htet Myat Aung hi bawlung chuih zong a thiam ngai mi, a sianginn kainak, University tiang ah bochan ngai mi a si tiah an chim. Nihin zinglei sml. 1:00 (zanttim) hnu ah Yangon, Thakedah ah palik le ralkap nih meithal in an kah hna caah minung 2 an nunnak a laim. Cun, nihin chun sml. 1:00 hrawng ah Mandalay ah meithal in an kah hna caah nu pakhat a nunnak a liam ve. Cun Pyi Myo ah meithal kahnak in Htet Myat Aung zong a nunnak a liam ve hi asi. Atu suimilam caan tiang ah minung 4 an thi cang i hliamtuar um len dawh an si.

Be First to Comment

Leave a Reply

Your email address will not be published. Required fields are marked *