Rak Rel Ve Hrimhrim Uh! A Dik Na Ti Ve Maw? A Bikin Ram Thatnak Phan Lainu Hna
Ram tha phan Nu pawl cheukhat cu vancungkhua cu an phan lo hrimhrim.😊. Anmah chung lawng dawt i tangka kuat an duh, an pasal lei chung cu philh ziahmah an izuam. Pa zeimawzat cu cu nihcun a fenh chih ve hna. Cusilohmanhah, pasal lei chungkhat cu tlawmte hei kuat i anmah chung cu tampi kuat an duh.
Anmah lei tangka tam deuh kuat poh ah mithmai panh, pasal le chung kuat poh i mithmai chiat, vuivai…Fashion thatha he Pathian ni i zingbiak an biakmi he cun van le vawlei…. Pa kan dirhmun le kan rian kha nu tampi nih philh hramhram an izuam, cucu pom awk a har pah😊.
Pa cu nulepa zohkhenhtu, thiruakfimtu kan si. Khoika kan um zong ah tuanvo kan nei. Cucu kan nunphung zong asi. Nizan tihni bak mirang ram phanh i mirang nunphung a thatnak lei siloin a chiatnak lei rumro in nu nih kan covo an timi zong hi ruah a phu.
Chungkhar buaibai tikah palik ( police ) chonh rumro forhfial le ibochan zong hi zeidah a phichuak asilai ti zong zohchih a hau. Police nih chuah hnawhmi chungkhar kha remnak a leng hlei loh, an chungkhar ah nuamhnak a leng hlei loh. An ithen khawh tung lo ahcun an tuar a fak hlei.
Cucaah police chonh forhfial nakcun police chawn loin zeitindah kan tawlrel lai, zeitindah upadi asi tite hna fiang bak in a chim rel khomi, upadi a thiammi tu hna nih an chimrelmi le an tialmi tu kha thil tha a chuahpi kho deuh ding cu asi.
“Pasal uk a duh pengmi nupi nih chungkhar nuam a neih khawh lo bantukin Nupi dawt a hmang lomi pasal zong nih chungkhar nuam a dirh kho bal lai loh” Note; A herh ahcun ka peh te lai.😀. Aho zong an khen hna ahcun ka ngaithiam hram uh.😊
Relchap; Tutan Easter Holiday cu inn ah lo ar bang kai erh.Ka chungle an dam ngelcel lo caah inn lei hnokhnai le ka chungle ka zohkhenh hna. Ka tha adi ngaingai. Ka tha adit ah hin idamhnak ah ka duhmi Country Song kha kan inncar ah to zau in ka ngai tawn. Cucu ka zia asi.😊.
Kitchen ( Tappi ) ah rawl chumh le bumbel tawl pah in Vaurawng ka hun bih duak. Milla Hniang kha a holh len ka hei hmuh. A caan ah mirang holh a telh len. Khuachel ah Laiholh in fiang ngai in a hun chim chih. Music tawite kha a hun chuah, a tha maw nan thei cio maw tinak ah a kutpi a tun.
A hawile nih an kutpi cu an tun cio. Second tlawmte music cu a that khawhning cu amak. Tlawmpal a chim than. Cu hnu ah a hla thim cu a hun sak. Khrihfa hla buu 344 kha asak. Ka thil tuahmi ka ban hngap le ka hnakhaw ka tun, sazuk nih pilking i dide a ngaih bantuk khin….
A hun sak ciammam cu a ngaih nuamhning…Laimi hlasa lakah kha bantuk music kha ka thei balloh. Laimi zaran music he cun kan khua Thangzang le kan peemnak Melbourne khua bantukin ai dang hi teh ka ti.
A aw a catcang lai hi teh ka ti ah khin din nuan tein music cu a zulh ziahmah, thal khuadi le romei nih piang ririai tein fingtlang cung le fingbawh cung in a zaam bantuk te zong a lo. Cun, tupi king i fur lio khuathat caan ah vahui nih fiang hlihhliah tein a awh he zong ka tahchunh. A thiam ka ti tuk…Crd; Chan Khar
