Ral Hmai Suang Kan Ralkap Hna Caah Caw Pakhat An Hlut, Vok Pakhat Zong An Hlut

Frontline um mi kan ralkap pawl caah caw pakhat an kan hlut mi cu kan ralkap nu pawl nih nizaan zaantim tiang an reu piak le tu chun cu a hmun tiang kan kal i kan va chant hna…

kan kir pah ah mah kg cu kan i dint pah nak khuami pakhat sin ka chim i an mah caah vok pakhat kai thawh la ti si… ram le miphun caah kan tuah kho mi kan tuah cio mi cung ah lung hi a hmui hring hran ko… Credit: Salai Ebenezer Bawi

Pauchuak Dohthlennak Ah Chin Cozah Cu CNF Nih An Siam Awk Asi. Chin Acts Kan ngei, Chin Ralkapbu kan ngei, Chin Cozah lawng aa duh cang. Kum 2 chung Pau Dohthlennak ah Chin Cozah kan ngeih khawh lomi hi CNF hi Pathian fial mi le thimhmi ansi caah asi.

NLD Hruaitu le MPs hna telin Chin Mifim thiam vialte (Ramchung Ramleng) telin ICNCC cu 2021 kum Dohthlennak aa thawk tir ah dirh asi. ICNCC nih CHIN Cozah dirh awk asinain an hlawhtlin lo. CJDC nih Chin Cozah siam awkah hmalak asi ṭhan. An hlawhtlin thotho lo. Kum 2 leng Cozah lo piin kan um.

CNF / CNA hi hriamtlai mi an si lo. Ramkheltu phu an si deuh. Panglong le Federal caah Ramkheltu le Ram Rianṭuan mi an si. Chin Caah Universal Political Party cu CNF ansi. Hmurka le bia in Federal an kan pek duh lo caah meithal an tlaih mi asi. Chinram ah Ramkhel Party rual nih Ramkhel in Ram Rianṭuannak cu Kum 10 leng lawng asi rih.

CNF nih Ramkhel in Ramrian an ṭuannak cu kum 30 leng asi cang caah Lead Jubilee a phan cang. Chinram ah Kawl Party le Tualto Party an nung ṭhannak cu 2010 le 2015 ah aa thawk mi asi caah CHINRAM ah CNF tlukin Political Party ah a upa mi an um lo.

Chin Cozah si awk a cuai a tlai bik mi le a sining a tling bik mi cu CNF ansi ko. CNF cu 2008 phunghrampi tangah dirhmi Ramkhel Party asilo caah Dotla Chin Cozah cu Automatic in anmah si a herh ko.

Kawl party asimi NLD le Lutlai hna tellin Tualto Party le Upa hna le MPs rual cu NUG nih 2008 phunghrampi an thah caah thah chih an si cang I Dotlami ansi ti lo. Cucu Dotla ah an I ruah I Chin Cozah siam awkah kum 2 chung an I zuam nain a hlawhtlin khawh lo mi hi Pathian nih a fial lo mi le a thimh lo mi an si caah asi lai.

Pauchuak Dohthlennak ah Thisen le nunnak tampi a pek cang mi le Chin Political Party lei ah kum upa bik CNF kha Pathian nih David bantukin a thimh hna I a fial hna caah asi. ICNNCC le MPs hna hi Saul SPH pa bantuk an si, CNF hi Tuukhal David bantukin Pathian nih a thimh hlei mi hna an si.

Bible um Goliath nakin a let 100 in a thazang a ṭhawng deuh mi Kawlte Ralhrang Rallokap an tei ning hi zoh usih law David bangin Chin Cozah caah Pathian thimh mi an si kha na hmuh ve lai. NUG nih CNF nih a siam mi Chin Cozah hi 100% an pom a herh.

Zeitintiah Federal cu zeizong te hi Ramkulh in aa thawk lai. Bahu ah NUG cu nawlngeih bik asi bantukin Chin Ramkulh ah nawlngeitu bik cu CNF le an siam mi cozah asi a herh. Cucu Federal amuru le Universal Truth asi ko.

NUG nih 2008 Phunghrampi thah hlah sehlaw, MPs rual hi mipi aiawh an si rih ko hnga. Anmah thahtu hi AN PU NUG CRPH an si. CNF cu Chin cozah ah na duh maw tiah mipi hal awkah Vote thlak khawh asi lo, kan thi lai maw kan nung lai dah kan I hngalh cio lo.

Pau Dohthlennak Mipi nih Legitimacy Full an tuah mi cu mah le humhual ram um CDF le CNF an si. CNF a cohlan lomi cu Chin an si lo I ta asi ko lai. CNO / CNDF, MDF, ZRA, ZFU, PDF Zoland, CDF Mindat tbk cu min ah chin a huap ko lai nain Legitimacy ah CHIN pumpi a huap khawh lo.

Tutan CNF nih an siam mi Chin Cozah ah um a duh lo mi Hriamtlai le Pengkulh / Pengtlang cu Chin sinak n mah tein naa phuah I asi ko lai lo maw. Chin na dik ko ahcun CNF Cohlan aw. Na cohlan kem? By- JRT