Ralbawi Solomon Bia Cu Uar Um Tuk “Kawl Miphun Nih Zei Ah Rak Rel Lo Mi Le Rak Chuk Zohniam Mi Chinmi Phun A Tu Ahcun
Kawl miphun zei ah a rak lo mi chin mi phun kan rak si cucu a si awk a rak si,a ruang cu khua kip kan kalnak ah kawl bawi pawl pei ka pu ka pu nan ti rak ti hna cu,cu caah a liam cia kum ah kawl nih zei ah an kan rel lo i an zohniam tuk,sihmanhlaw nihin ni ahcun a khua kip in kawl ralhrang doh ah kan chuak i a hi poh nih kan doh cang i,kawl nih an kan tih tuk,tu ahhin tang he van an kan kah ko naan an kan tei lo i kawl ram an kan tih bik mi miphun ah chin hi kan i chuah,cu ca cun ka lawn taktak kei cuh.
Chin mi phun hi kawl nih cun anawyattha ti ah an kan ti a sullam cu an siangpahrang ka kah cang mi tinak asi cu nih a langh ter mi cu miphun dang tiah an kan hmuh i zei ah an kan rel lo,sihmanhsehlaw nihin ni ah cun an kan tih tuk,zei ca tiah hlan bantuk in laimi nih kawlbawi kha kan upat ti lo i kan tihzah ti lo caah,hi doh thlennak ah a khua kip in kan doh hna tik ah kawl nih an kan tih tuk,cu caah kei cu kawl pawk nih a tih tuk mi miphun ka si hi ka lawm taktak si a nuam tak tak si.
Hi dohthlennak ah kan nau kan fa le ral an dohnak ah vanchiat an ton caan i an nunnak an pek tik ah, a khua kip in sunglawi taktak in an ruak kan don hna,zei tluk mitam zeitluk mawtaw lian in ralkal an rat zongah ralhrang nih an kan tih tuk ning hi ka hmuh tik ah ka uang tuk chin miphun i uang ve tuah uh,an kan tih cang hi a herh ahcun kan uk colh hna la.
Hi dohthlennak ah kan hram thok ka in kan miphun pohpoh kan dih lak in kan tang rual i
A va tang lo mi cu mi tlawm te cu an va um ve hme teh,cucu phaisa in an hei lem hna i minung sinak in a va um cu a phung asi ko,nain tu lio i kawl ralkap a tan pi mi cu mi molh deuh an va si koko,ca an thiam zongah mi molh,an rum zongah mi molh an si a ho kan unau an vai tel zongah a molh taktak mi an si,thah awk tlak zong an si lo an caah ngaihchia khi an si.Kawl ralhrang nih an kan tuah ning hi a fah tuk aw,kan hawng an kan tan,kan kut kan kee an kan tan an kan tlaih khawh ahcun,cucu kan tih hna seh tinak khi a si ve ko,nain naisai kan tih hna loh,chin miphun miral chia kan si bel lo kan pupa chan in a herh nak ahcun tih a nei lo mi miphun kan si.
A hmun kip in an doh hna a ka kip in kawl ralhrang hi doh an si caah,kan nih chin mi zong nih kn doh hn tikah kan caah teinak lam hi a fawi tuk cang,kan tei colh hna la mah tein i uknak hi kan hmuh hrimhrim la,kum 70 chung kawl nih thut dir ti mi phun kha ka si ti lai lo,a tu chan kan fa ka nau le hi an i fit tuk cang bochan awk tlak tuk an si.a tu lio i a tlang a peng kip in hruaitu pawl hi mi sawhsawh an si hna lo hmailei kan ram uk te ding law an si.tu hi kan ram ah kan mah tein kan i uk cang,law le phunphai kan ser i cucu kan zul pi cang hna mah te i i uk le um cu a nuam taktak,tha tho tein neihchia in si seh tha zang in si seh doh ko hna uk si,Pathian fa kan si teinak tling kan hmuh ko lai.
