Press "Enter" to skip to content

Ralhrang 100 Hrawwng Mipi Hriamtlai Nih An Thah Hna

March 28, 2022 Nikhat Chung Ah SAC Ralkap 97An Thi, Myanmar ram pumpi in dohthlennak tuah hnu March 28, 2022 nikhat chung kahdohnak ah SAC ralkap 97 an thi i PDF 2 tlaih an tong tiah Yangon Khit Thit nih a thanh. Cazin ning ah ralkap a thi mi hi Karen ramkulh Myawady peng Woalay ah 54.

Demoso ah 6, Sagaing ramthen Minkin ah 5, Monywa ah 1, Mandalay ramthen Nuahtoogyi ah 2, Yangon ramthen Thanlyin ah 1, Magway ramthen Myaung peng ah 9, Pale ah 9 Tantaunggyi ah 1, Bilin ah 1, Bhamo ah 1, an dih lak 97 an si. PDF lei minung 2 cu Thanlyin ah tlaih an tong. The Chin Post

SAC Foreign Minister U Wanna Maung Lwin cu China Foreign Minister nih official tein a sawm caah China ram a tlawng lai, tiah theih a si i, hi kong hi SAC biachimnak nawlngeitu Zaw Min Htun zong nih a fehter. China nih zeiruang ah dah a sawm ti cu hngalh a si lo i, SAC zong nih a ruang an chim lo.

Tutan hi SAC nih uknak an laak hnu in official tein China ram a voikhat tlawnnak a si lai. Tutan SAC Foreign Minister China a tlawn ding kong ah Tipaw peng MP nih cun, “China nih SAC hi ASEAN hnatlaknak 5 zulh ding, Myanmar daihnak kong ah China nih a bawmh ding mi le Ramkhel buainak ah Palai tonbiaruahnak in tawlrel ding timi pawl a forhfial lai,” tiah a zumhning a chim.

SAC Vice- Chairman Soe Win nih cun SAC a kan cohlangtu ram tlawmpal te he lawng hmai kan fong ko lai, tiah a rak chim i SAC a kan cohlangtu hna cu China, Russia, India, Cumbodia le Laos ram hna an si, tiah a rak chim. SAC Nih Nawlngeihnak A Laak Hnu 421 Chung Ah Minung 1714 Thah An Tong Cang!:

AAPP nih March 28 tiang thawng a thanh ning ah Myanmar ram pumpi SAC nih uknak a laak hnu ni 421 chung ah SAC ralkap nih civil mi 1714 nunnak an laak cang, tiah theih a si. Tlaih a tong mi 12,989 tiang an si cang. Tlaih ding in nawl chuah mi 1974 an si. SAC ralkap kut in civil mi an thih tam biknak hi Yangon ah a si.

Be First to Comment

Leave a Reply

Your email address will not be published.