Ralhrang 200 In 400 kar Hrawng Hakha Lei an Panh Cuah Mah
Halkha in Bungzung khua lei a rak phanmi ralhrang hna kha,sau ngai an caam hnuah nihin ah ramtoi in Halkha lei kai ah an rak i thawh cang tiah theih si.Bungzung in Halkha lei a rak kai lio ralhrang hna hi 200 in 400 kar poh an si lai tiah zumh si. Leium khua hna cu an zam len cang. Salai Wiliam Hrangsai
Magway ramṭhen Pauk pengkomh, Paṭi(ပုတီး) khua cu April 19 zanlei sml 5:44 minute hrawngah SAC ralkap le Pyusawtee nih, an khangh caah inn 60 leng a kaang, tiah tualchung mi pakhat nih a chim. “Nizan April 19 ah Chaungsung(ချောင်းဆုံ) khua kam Pauk pengkomh, Paṭi khua cu uico ralhrang le Pyusawtee pawl nih an khangh. Khuami pawl nih phalh ding kan timh lioah uico ralhrang pawl an rat ṭhan caah kan zaam dih.
Paṭi khua hi inn 100 hrawng a si i cu chungah inn 60 leng an kaang. Inn 40 hrawng lawng a taang. Khua laifang lamkam in an khangh i, thlanglei sang ah cycle in an va kal i an khangh chap,” tiah tualchung mi pakhat nih a chim. Paṭi khua a khaangtu SAC ralkap le Pyusawtee pawl hi, Didauhkwin(ဒီးဒုတ်ကွင်း) khua ah hrambunh in a ummi an si i, Paṭi khua khangh ding in cycle 20 leng in an ra tiah kan theih.
Vanlalhmangaihzuali Fanai Kum 30, Pu F Lalruntluanga Lunglei Electric Veng fanu cu Aizawl i a tlunnak Hotel Lushai Hills Regency ah a ruak in char a si.
Vanlalhmangaihzuali le a hawipa, Lunglei Electric Veng mi ṭhiam cu a luancia April 13 ah khan Lushai Hills Regency Hotel ah hin an tlung i, a thaizing April 14 zing an thawh ah cun a hawipa nih a hmu ti lo.
Cu ni lila ah cun Aizawl Police Station ah report a va pek colh i, ni 6 chung a ruak kawl a si hnu ah nizan April 19 chunhnu ah a ruak cu Hotel chung inn tang bik ‘lift basement’ ah hmuh a si. A ruak tawlreltu hna chim ning ah Vanlalhmangaihzuali taksa cu a rawk ngai cang i, a rimhaw zong a nam ngai cang.
A ruak hmuh a sinak pawng dawr ngeitu hna zong nih april 18 in rimhaw a thu mi an theih cang kong an chim. Vanlalhmangaihzuali hi Power & Electricity Sub-Division Lunglei ah rianṭuan lio a si i, Aizawl ah Cozah rian sang exam ding in a kal mi a si, tiah theih a si. The hin Post
