Press "Enter" to skip to content

Ralhrang 300 Hrawng Chinmi Le Chin Mipi Hriamtlai Doh Ding Ah An Tlung

Chin ramkulh, Mindat peng ah SAC ralkap thazaang 250 hrawng an kai i pehzulh in kahdohnak a faak kho, tiah CDF Mindat chimphuannak nawlngeitu Salai Ha Awm nih Yangon khit thit ah a chim. Nihin march 29 chun Sml 12:30 hrawng ah Mindat Matupi lampi ah kahdohnak faak ngai a chuak i SAC ralkap 15 an thi i hliam tuar mi zong zeimawzat an um, tiah theih a si.

CDF lei hliam tuar um lo tein hnu an tolh kho. A hnubik thawng theih ah cun chikhatte kahdohnak a chuak nain i a dai ṭhan. “SAC ralkap lei hi 200 le 250 kar cu an si lai, tiah ruah a si. Kanmah lei i pehtlaihnak phone line an kan phih kanh caah a caan khel tein zapi sinah thawngpang kan thanh kho dih lo,” tiah CDF Mindat in chimphuannak nawlngeitu sin in theih a si.

RAMLENG: Russia-Ukraine Nih Remdaih Tonnak An Tuah Ṭhan: Russia le Ukraine daihnak a um khawh nakhnga tonbiaruahnak cu Turkey ram Istanbul khuapi an tuah ṭhan a si i tutan tonbiaruah ah hin cun a ṭhalei an panh ṭheo lai ti an zumh caah Europe ah cun Oil man zong a ṭum, tiah theih a si. Nihin March 29 tonbiaruahnak ngeih ding ah hin March 27 ah.

Khan Russia President Putin le Turkey President Ardogan nih ceihkhan chungnak an ngeih hnu ah kaphnih lungtling in tuah si i, tutan Ukraine le Russia daihnak kong biaruahnak ah Turkey President nih biatawi chimnak zong a ngei. Russia le Ukraine palai pawl i tonnak hi February 28 ah khan a voikhatnak bik ah rak tuah a si i, atutan hi a voi 4nak tonnak an ngeih a si.

Be First to Comment

Leave a Reply

Your email address will not be published.