Press "Enter" to skip to content

Ralhrang Khawngsil Nih Ko Jimmy Le Ko Phyo Zaya Taw Cu Thihdan A Pek Hna

88 siangngakchia hruaitu pakhat a simi Ko Jimmy le NLD hlutdaw palai Ko Phyo Zaya Taw cu rami dohkalhnak an tuah timi le hriamtlaibu an bawmh hna timi sualpuhnak ruangah ralhrang khawngsil nih thihdan a pek hna tiah theih a si.

Ko Jimmy cu CRPH, NUG le PDF tangah a ummi Nway Oo Ganh Gaw (နွေဦးကံ့ကော်) phu sinah hriamnam cawknak tangka a bawmh hna, cu pinah US dollar singthong man a simi hriamnam sernak seh 3D Printer cawk dingin NUG sinah a hal hna tiah ralhrang khawngsil nih an cathanh ah an langhter.

Hlutdaw palai Ko Phyo Zaya Taw cu a inn ah meithal, bomb le kuan zeimawzat an tlaih i ralhrangbu tiah thanh cangmi CRPH, NUG le PDF hna he pehtlaihnak an ngei tiah ralhrang khawngsil nih an thanh fawn. Amah hruaimi phu hna nih Rangoon khuapi chungah kahdohnak le bomb puahnak an tuah tiah an cathanh ah an langhter.

A cunglei sualpuhnak hna ruangah Ko Jimmy le Ko Phyo Zaya Taw cu tlaih an si i ralhrang dohnak upadi pohmah 49 le 50 hmangin tazacuai an si. Ralhrang khawngsil biaceihnak nih Jan 21 ah thihdan a pek hna tiah theih a si.

Be First to Comment

Leave a Reply

Your email address will not be published.