Ralhrang Kongah Uk Nih Imran Khan Sinah Nawlnak A Tuah Cang

Myanmar ralhrang sin ah hriamnam zuar mi ngol ding in Burma Campaign UK nih Pakistan Prime Minister Imran Khan sin ah Febuary 14 ah nawlnak a tuah. Pakistan cu Myanmar ralkap he caan saupi runvennak rianṭuanṭi ding in hnatlaknak a ngeimi an si bang, Pakistan nih Myanmar cu Hriamnam thil pin ah a hlei in JF-17 Jet Fighter a bawm pengtu a si.

Tutan ah Pakistan nih Myanmar ralhrang hna sin ah Motre, Laucher, Machine Gun, Jet fighter le Rocket a zuarh ṭhan lai, tiah thawngpang theih a si i Myanmar ralhrang agents pawl zong hriamnam an rak kuat hlan ah hriamnam zohfelnak ngei ding in Pakistan ah an kal lai, tiah theih a si.

Cu hriamnam pawl cu ralhrang nih civil mi thahnawnnak ah an hman lai i Myanmar ram ah civil mi thahnawn an tonmi a karh deuh lai pin ah, Pakistan nih a dirpi mi Rohingya miphun cung zong ah a hman ṭhan lai, tiah Burma Campaign UK nih cun Imran Khan sin ah ca na kuat. Cun, Canada Hluttaw Palai Anna Roberts nihcun,

“Imran Khan nih hin Myanmar mizapi a thatnawngtu ralhrang he siloin Myanmar mizapi lei ah a dir awk a si, Myanmar ralhrang lei a dirmi le hrianmam a zuarhmi hi Myanmar ralhrang nih an tuahser mi ṭhatlo le Human Right an buar mi ah thazang petu bantuk a si lai,” tiah a chim. Credit: The Chin Post

Thailand ram ah, Siangpahrang nawlngeihnak rikhiahpiak ding in duhnak a langhtertu pawl thazang a petu phu; Nuhrin covo kong ah a cawlcangmi “Amnesty International(AI)” cu ramchung in ṭhawldawi a duhtu an um len caah tuaktan ding in kan i tim cuahmah, tiah Thailand Prime Minister Prayut Chan O-Chia kuttang pakhat nih a chim.

Amnesty International (AI) ṭhawldawi ding i a hnatla mi cazin cu nikum in khan kan khawmhsuat i min a thu mi 1 million an tlin cang caah a ra lai mi Friday ah National Security Council ah kan chuahpi lai, tiah Thailand Prime Minister Office in ṭuavongeitu Seksakol Atthawong nih VOA ah a chim.

Thailand Siangpahrang uknak phunghram a dohdaltu phu hna le AI phu hi an i komhawi, tiah a chim chih. 2019 lio i Prime Minister Prayut Chan O- Chia rian in chuak seh tiah an rak aupi hnu in Siangpahrang uknak nih Ramkhel kong ah nawlngei lo ding in phungram caang 10 remhpiak hal in lam a zawhmi mino nih hruaimi mibu hna cu Thailand cozah nih hnahnok luri mi mibu an si, tiah a ti hna.

Thlailand ram Phunghrampi remhtu phu nih cun lamzawhtu pawl nih an halmi phunghram remhding caang 10 hna cu Siangpahrang nawlngeihnak dihter duhnak ruangah a si an ti i an hnon piak hna, tiah theih a si. The Chin Post