Thawngpang Update: Nihin Chinram Kahdohnak A Fak Tuk Lawmmam E, Jet Fighter Zong An Hman Cuahmah Cang, Inn An Khanghmi Zong A Tam

Tuhi Chuncung khua ah Jet, Langta nih bom a thlak cuahmah lio si e, Ralhrang le an motor rual hi Chuncung khua in an chuak rih lo. Chuncung khuadongh lei sanghnihnak hrawngah tunai kha Chinralkap hna he faak ngaiin an i kap tiah kan theih.

Nihin zingka zongah Drone in an phomh pah len hna ti tiang thawngpang theih khawh rihmi a si. Chuncung khua hi Inn 24 a kaang in kan ruah ko an ti. Ralhrang motor rual chungin a taangmi hna zong Chuncung khua laifang ah an phan dih cang.

Chuncung khua laifang in Hakha lei hei kal sang dongh tiang lamchak lamtlang ah ralhrang kee kal an um len hna. Zahan zongah Chuncung khuachung ah an i kap pah len tiah kan theih.

Note,palhmi a um kho,a ruang cu ph line pit pah, aw a fian lo ngai caah theih sual mi um kho caah ka hun remh tthan te lai. Tada Oo vanlawngbual in nitlak chaklei ah jet fighter pakhat a hun zuang. Voidang ning si cun hika lam in a zuan ahcun Chinram a fuh a tam bik. Salai William

Chuncung I Kahnak Hnubik Update; Kalay in a rak kaimi ralhrang cu hmai an nawr khawh tuk ti lo caah le an thih tuk cang caah Hakha ralhrang kha bawmh an hal hna, Hakha ralhrang nih bawmh dingin an rat hnawh ve hna i kan ralkap nih lampi ah an rak kah hna i fakpiin an i kap.

Bomb zong jet fighter in voi 3 tiang ralhrang nih a thlak, kan ralkap pawl nih tuzaan chungah drone in bomb voi 40 tluk an thlak hnawh ve hna i ralhrang motor 5 a phomh piak khawh than hna. Zeitluk fak in a khenh le ai rawk bel zaan asi cang i theih khawh asi rih lo, tuzong hi kan Drone nih a phomh cuahmah lio asi. Kan ralkap pawl cu Pathian nih a umpi hna i an him ko rih.

Ralhrang cu Chuncung ah an tap ko rih, kan ralkap pawl nih asi khawh chungin le an nunnak pek in an an kah ko hna. Teinak cu Bawipa ta a si thlacamnak le chawva in bawm ko rih hna usih🙏 Credit; Chelsea Bawi

Nihin ca a hnubik Update; Chuncung khua a phanmi/hmuhnkhawh mi vialah tank pa 2 le ralhrang motor 7 an si i, Mah chungah ralhrang motor 4 lawng hi a um kal kho an si cang , tuzan hi Chuncung khua ah riah itimh dawh an si,a ruang cu Chinland caan sml 8:40pm si cang i,tuhi Chuncung khua ah an um ko rih hna.

Tuzan lei ah Hakha panh in a kalmi UC Kee kal pawl hna cu, kan ralkap hna bom tarhmi an i pah i, pathum cu hmunril, hliamtuar zat bel a fiang lo.

Ramleng nulepa ulenau hna nih nan thlacamnak in siseh,nan chawva pekmi siseh, hmual a ngei chin lengmang ko tihi mithmuh kuttongh in a um cuahmah ko. #Thanh awk ttha vial. Credit: Salai William Hlawnceu

Ka Hawikom aw! Min Aung Hliang nih Rampi uknak an kan chuh, buainak le ramchia dirhmun ah kan um e timi vial men lawng a si lo, kan ram mipi Inn a kaang i mithi kan karh cuahmah mihi tuakchih ve hmanh, na thling a kik ko lo maw?

Kan ram cu raldohnak in a khat rih ko e ti vial lawng a si lo, Umnak rep cu chim lo, zaan’ih luchiah nak hmanh ngei loin Tar le Ngakchia tiang an hram cuahmah hna khi ta

Kan Miphun ralkap le SAC ralhrang an i kap cuahmah ko timi raldohnak hmun tiang lawng zoh ahcun a hmual a fak lo tuk men lai, Ram mipi luatnak le Zalennak caah ti in ral an kan doh piaktu hna khi chungkhar unau le nupa an ngei ve, chungkhar ah dawt cukmak mi le bochan tuk mi, bihzuun fahniang, fanu pafa an si nain zeizong te kal tak in thihnak hurkuang lak a si ti an theih bu in nunnak le thisen an thap khih timi zong tuaktan chih ahcun na khuasik’sem a chuak peng ve ko lai.

Thantlang peng Khuafo, Falam peng Webulah ah kan ton mi Vanlawng in mibu thahnak, Nihin lila ah Pa Zi Gyi khua, Kanbalu peng ah a cang rih mi Vanlawng hmang in mibu thahnak hna hi na hmu in na thei ve ko lo maw? Zeitindah na nih khawh i nuam tuk in Party le lamnak puai na tuah khawh rih, na thling tal a za lo maw?

Ralzam an karh chin e timi vial lawng in tuaktan le chim ding a si lo, Ralhrang nih an nun himnak inn an khangh, kum tampi an ttuanchuah mi thilri eidin le Suingun tiang an khangh piak dih hna caah mithli he eidin awk ngei loin le riahnak reprai ngei loin nunhimnak kawl in an vakvai e timi zong tuaktan chih ve law diriam tuk in na eiding ngam hnga lo.

Mawhchiatnak bia lawng chim lengmang ti hlah, dawtnak in nunnak chang cheu ve hna. Na pawngkam ah ralzam harsa bawmh hau an um ko kha ta, ziah nangmah vial lawng diriam tein na ei i na innpa le na pawngkam caah na mit na chinh.

Raldoh an kan doh piak cuahmah mi hna lak ah khin na unau, na nu/pa le na farle an i tel ve maw, hawidang mah pumpak zalennak, nuamhnak le duhdim nunnak vialte kal tak in rampi zalennak ding ah thisen le nunnak an thap khi mu!

Khi mi hna khi mi hrut ah maw na ruah hna, piangthar lo le misual ah maw na ruah hna, an nunnak ngeih chun an thap khi dawtnak ruang ah a si timi ruat law mawhphorhnak bia chim ti hlah, Ram damnak, ram thatnak caah thlacam usih, kan ralkap dihlak caah thlacam usih.

Kan thih cuahmah lio ah nangmah diriamhnak men kip in puai tuah i tim hlah, Pathian na tih lo maw? Thah cuahmah kan si, kan ram an khangh cuahmah kan si khawhnak kip cio in kutsamh le ttuanchuah tu i tim usih. Hawikom tha dirhmun in ka lungum bia ka chimh mi