Ralhrang Le Mizapi Ralkap Hna Cu Suimilam 10 Chung Hrawng An I Kap, Ralhrang 20 Leng An Thi
Yinmapin(ယင်းမာပင်) peng, Bant Bway(ဘန့်ဘွေး) khua, SAC le Mizapi ralkap kahdohnak ah Nihin zing suimilam 10 hrawng ah SAC ralkap bawm ding in a kal mi SAC ralkap hna cu bomb puahhnawh an ton caah SAC ralkap 20 leng an thi, tiah mizapi vengtu ralkap lei nih cathanh an chuah.
Bant bway (ဘန့်ဘွေး) khua ah umhmun a khuar mi SAC ralkap le pyusawthi hna cu Myanmar Royal Dragon Army(မြန်မာ့တော်ဝင်နဂါး) (MRDA) hruainak in Chindwin Revolutionary Force (CRF) le Kyauk Lone Gyi (ကျောက်လုံးကြီး) (KLG) phufonh nih nihin April 5 zinglei suimilam 4:30 hrawng ah luhhnawh in an kah hna.
Kahdohnak minutes 30 hrawng a rauh hnu ah SAC ralkap 9 an thi i, midang 15 nih hliam an tuar, tiah Myanmar Royal Dragon Army (မြန်မာ့တော်ဝင်နဂါး)(MRDA) in hruaitu Bu Naga nih a chim. Credit: The Chin Post
Raltuknak in tawlrel a si te lai tiah AA nih SAC ralrinnak a pek. The Chinland Post | 2022 April 5 – Arakan Army (AA) uknak le biaceihnak nawl leng ah Isalam biaktu pawl le dai tein kan um khawhnak hnga kan rianṭuannak pawl cu hramhram in uknak a latu SAC nih hnahnawhnak a pek caah kahdohnak in tawlrel a si te lai tiah AA in biachimnak nawl a ngeitu Khiang Thukha nih April 5 Press Conference ah a chim.
Kyaukpho, Yanbye le Taungkot ah a ummi Rakhine biaceihnak zung pawnghrawng ah SAC ralkap nih thirii kawl in hnahnawhnak le raltuknak lei cawlcanghnak an tuah bantuk in AA biaceihzung ah phuan a simi sualnak pawl cu SAC biaceihzung ah phuan ding in hnek le tlerhnak hna an tuah tiah a chim.
A tu bantuk thiltuah hi a tu thil sining kha a daihter lo i AA le mipi karlak zumhnak zong a hrawh tiah AA in biachimnak nawl a ngeitu Khiang Tukha nih a chim. Culawng si loin, hramhram uknak a latu SAC nih Rakhine ram chungah ralkap thazang, hriam thazang le eidin hna a chap lengmang tiah a chim.
AA biaceihzung ah phuan a simi sualnak cu 2021 in 2022 March thla tiangah 5,680 leng a um i mah chungah sualnak 2,900 cu tawlrel khawh a si cang tiah Press Conference in theih a si.
