Press "Enter" to skip to content

Ralhrang Motor Bomb Puah A Si, Ralhrang 10 An Thi

Taningtary ramthen, Maih peng ah ralhrang motor pakhat bomh puah a si i ralhrang 10 hrawng an thi tiah Maih mipi ralkap MPFF sinin theih a si.March 10 chun 12 hrawngah ralhrang motor pakhat le motorcycle bomb puah an si hnu ah kaphnih kahdohnak a chuak i ralhrang 10 hrawng an thi, hi kahdohnak cu KNU, Maih mipi ralkap ( MPFF), Maih Kayin fonh ralkap ( MKLPDF) hna i fonh in an tuahmi a si tiah theih a si.

Thawngdang: 34th Revolution Day Caah SawmnakA ra lai mi Vaute 20 ( March ) ah Chin Miphun Dothlennak kum 34 camtuak cu CMPAGE le CBN Media I bawm in online in tuah a si lai.Kum 34 tiang dohthlehnak ni ah CNF Chiarman Pu Zing Cung zong nih an kan talpi lai. Cu lawng si loin Biaknak leiin kan pabik Rev. Dr Hre Kio zong a kan telpi lai pinah ramkhel lei kan pa le hna siseh kanmah Chin mi chung in hlasak minthang kan ngeih mi hna zong nih an kan talpi lai.

Hi ni ahhin Fundraising zong kan tuah chih lai. Mah kan hmuh mi vialte cu nunnak pek in dohthlehnak ah a kalpi kan ralkal hna caah kan pek dih hna lai. Kan ram zalennak kan hmuh khawhnak ding caah nusal tha pasal tha tampi nih nunnak an thap minung tampi nih nunnak an pek cang. Hi lio ah na ti khawh tawk ngeichiah chawva in miphun dohthlehnak caah rak I tel ve ding in kan in sawm hna.

Mi tampi nih an hmuh khawhnak ding caah share zong in thazaang chuah cio ding in kan in sawm hna.
Bomb Puah Sualnak In Mipi Ralkap (2) Nunnak Liam!
Sagaing ramthen Yinmabin peng ah vawlei tangah chiahmi bomb an laak/phoih than nakah bomb a puah sual ruangah Golden Star Force phu chungtel (2) nunnak a liam tiah March (11) ah Golden Star Force nih cathanh an chuah.

SAC ralhrang ralkap nih kahdohnak an tuah tawnnak le an kal tawnnak hmunah tuan deuh ah vawlei tangah an chiahmi bomb cu ralhrang hna an kal ti lo ruangah an phoih than i, a puah sual caah an nunnak a liam hi a si.Nunnak a liamtu hna cu Htet Naing Lin le Shan Htet an si tiah Golden Star Force nih an langhter.
Nunnak liamtu mipi ralkap pahnih hna cu minthatnak le pasaltha sinak upat peknak an langhter hnuah SAC ralhrang ralkap cu pehzulh in kahdohnak kan tuah lai tiah an chim.

Be First to Comment

Leave a Reply

Your email address will not be published.